बॉलिवूडचा 'दबंग स्टार' सलमान खानचा वाढदिवस 27 डिसेंबरला दरवर्षी मोठ्या जल्लोषात साजरा केला जातो. सलमानचे चाहते त्याच्या वाढदिवसाची आतुरतेने वाट पाहत असतात. यंदा त्याचा 54वा वाढदिवस तो कुठे साजरा करतो? याकडे सर्वांचे लक्ष्य लागले असताना आता सलमान त्याचा बर्थडे मुंबईत साजरा करणार नसल्याची बातमी समोर येत आहे. 

- ताज्या बातम्यांसाठी डाऊनलोड करा ई-सकाळचे ऍप

दरवर्षी सलमान त्याचा वाढदिवस पनवेलमधील फार्म हाऊसवर साजरा करतो. यानिमित्ताने जंगी पार्टीचे आयोजन केले जाते. अख्ख्या बॉलिवूडमधील स्टार मंडळी या पार्टीला हजेरी लावतात. मात्र, यंदा ही पार्टी होण्याची शक्यता कमी आहे. पिंकव्हिलाने दिलेल्या माहितीनुसार, सलमान त्याचा वाढदिवस त्याचा भाऊ सोहेलच्या वांद्रे येथील घरी साजरा करणार आहे. त्याला कारण ठरलीय ती त्याची बहीण अर्पिता.

- राजकुमार रावची गर्ल फ्रेंड आहे 'Too Hot'

सलमानची बहिण अर्पिता ही दुसऱ्यांदा प्रेग्नंट आहे. त्यामुळे आपल्या लाडक्या बहिणीसाठी सलमानने त्याची बर्थडे पार्टी कॅन्सल केली आहे. अर्पिता सलमानच्या वाढदिवशीच बाळाला जन्म देईल, अशी शक्यता असल्याने सलमानने बहिणीजवळ राहण्याचा निर्णय घेतला आहे. घरी नवा पाहुणा येणार असल्याने खान कुटुंबात आनंदाचे वातावरण आहे. 

मात्र, या घरगुती सेलिब्रेशनसाठी बॉलिवूडचा किंग खान शाहरुख खान, डेव्हिड धवन, कबीर खान, दबंग-3 ची पूर्ण टीम, प्रभुदेवा, सई मांजरेकर, सोनाक्षी सिन्हा, कॅटरिना कैफ, जॅकलिन फर्नांडिस आणि सलमानचे निकटवर्तीय पाहुणे हजर राहण्याची शक्यता आहे.

- रणबीर-आलियाचा सिनेमा रणवीर-दीपिकाने पळवला?

18 नोव्हेंबर 2014 मध्ये अर्पिताने तिचा बॉयफ्रेंड आयुष शर्मासोबत लग्न केले. आयुष हा हिमाचल प्रदेशमधील एका नावाजलेल्या राजकीय कुटुंबातील असून आयुष आणि अर्पिताला आहिल नावाचा एक मुलगाही आहे.

- राधिका आणि सौमित्रच्या लग्नाचा अल्बम पाहिला का?

सलमान त्याच्या भाच्याला खेळवत असल्याचे फोटो सोशल मीडियावर अनेकवेळा व्हायरल झाले आहेत. आता पुन्हा एकदा सलमान मामा होणार आहे. त्यामुळे त्याने आपली बर्थडे पार्टी कॅन्सल केली आहे. कदाचित बॉलिवूडला त्याच्या बर्थडेची आणि पुन्हा एकदा मामा झाल्याची जोरदार पार्टी मिळू शकते.