Salman Khan: सलमान खान सध्या त्याच्या आगामी 'किसी का भाई,किसी की जान' सिनेमाच्या प्रमोशनमध्ये व्यस्त आहे. पण असं असलं तरी त्याच्या जुन्या सिनेमांची चर्चा देखील सोशल मीडियावर चाहत्यांदरम्यान जोरदार सुरू असते. मग तो सिनेमा 'हम आपके है कौन असो' की लीडचा हिरो म्हणून सलमाननं पदार्पण केलेला 'मैने प्यार किया' असो. त्याच्या त्या सिनेमातील 'प्रेम' या व्यक्तिरेखेचे लाखो चाहते आजही सापडतील.

यादरम्यान आता ३३ वर्षांनी 'मैने प्यार किया' सिनेमातील सलमान खानचा ऑडिशन व्हिडीओ चर्चेत आला आहे. ज्याला पाहून चाहत्यांनी प्रतिक्रियांचा पाऊस पाडला आहे. (Salman Khan Maine Pyar kiya movie audition video viral after 33 years, fans comment)

१९९९ मध्ये सूरज बडजात्या यांच्या 'मैने प्या किया' सिनेमातून बॉलीवूडमध्ये पदार्पण करणाऱ्या सलमान खानच्या सिनेमाची चर्चा आजही होताना दिसते.तेवढ्यात आता सोशल मीडियावर या सिनेमाच्या ऑडिशनचा व्हि़डीओ समोर आला आहे.

२२ वर्षाचा सलमान त्या व्हिडीओत हातात गिटार आणि गुलाबाचं फूल पकडून रोमॅंटिक सीन करताना दिसत आहे,त्यावेळी दिसणाऱ्या त्याच्या चेहऱ्यातील साधेपणा,भोळेपणा चाहत्यांना वेड लावून गेलाय.

सिक्स सिगमा फिल्म तर्फे हा व्हिडीओ शेअर करण्यात आलाय. आणि या व्हिडीओवर चाहत्यांच्या अनेक कमेंट्स वाचायला मिळत आहेत.

एका नेटकऱ्यानं व्हिडीओवर कमेंट केली आहे की,'बॉलीवूडचा राजा सलमान खान'. तर आणखी एकानं लिहिलं आहे,'उत्कृष्ट अभिनेता सलमान खान'. आणखी एकानं लिहिलं आहे, 'तो कधी कधी खूप इनोसन्ट वाटतो'. तर कुणीतरी लिहिलं आहे की,'ब़ॉलीवूड आणि भारताला सगळ्यात हॅन्डसम आणि स्टायलिश फॅशन ट्रेन्ड सेटर दिला म्हणून राजश्री प्रॉडक्शनचे धन्यवाद'.

सलमानच्या सिनेमांविषय़ी बोलायचं झालं तर 'किसी का भाई किसी की जान' सिनेमाचं मोशन पोस्टर नुकतंच रिलीज झालं आहे. तर १० एप्रिलला ट्रेलर रिलज होणार आहे.चाहते या ट्रेलरची चातकासारखी वाट पाहत आहेत.