(South Movie) साऊथ सिनेमा विक्रांत रोना(Vikrant Rona) याच आठवड्यात २९ जुलै रोजी प्रदर्शित होत आहे. या सिनेमाचा प्रेझेंटर सलमान खान आहे. अनेक दिवसांनंतर सलमान खान (Salman Khan) कोणत्यातरी कार्यक्रमाचा भाग बनत होता. काही दिवसांपूर्वी त्याला जीवे मारण्याच्या मिळालेल्या धमकीमुळे सुरक्षेच्या कारणास्तव विक्रांत रोना चा प्रमोशनल इव्हेंट त्याच्या घराच्या जवळच ठेवण्यात आला होता.(Salman Khan on South vs Bollywood debate)

विक्रांत रोनाच्या प्रमोशनल इव्हेंटमध्ये सलमानने अखेर पहिल्यांदाच साऊथ विरुद्ध बॉलीवूड या वादातीत विषयावर मौन सोडलं. सलमान खानने म्हटलं आहे की,साऊथचे सिनेमे बॉक्सऑफिसवर खूप चांगली कमाई करीत आहेत. प्रत्येकाचा चांगले सिनेमे बनवण्याचा प्रयत्न असतो पण दरवेळी बॉक्सऑफिसवर यश मिळेलच याचा काही भरोसा नसतो. विक्रांत रोनाच्या हिंदी व्हर्जनला प्रमोट करण्यासाठी आलेल्या सलमान खानने म्हटलं की, मी देखील विक्रांत रोनाला प्रेझेंट करत आहे. म्हणून प्रमोशनसाठी आलो आहे,मला देखील तोट्यात जायचं नाहीय. साऊथचे सिनेमे खरंच खूप चांगलं प्रदर्शन करत आहेत.

सलमान याच विषयाला धरुन पुढे म्हणाला, आपण सगळेच सिनेमा चांगला बनावा म्हणून प्रयत्न करतो. आम्हाला वाटतं सिनेमा सगळ्यांपर्यंत पोहोचावा. कधी-कधी हे काम करतं,कधी-कधी काम करत नाही. प्रमोशन केल्यावर १०० टक्के हा फॉर्म्युला काम करेलच असं सांगता येत नाही.

याच विक्रांत रोनाच्या प्रमोशन इव्हेंटमध्ये किच्चा सुदीपनेही बॉलीवूड-साऊथ वादावर भाष्य केलं. तो म्हणाला,तो दाक्षिणात्य सिनेमांच्या यशाची तुलना कोणाशीच करत नाही. जर बॉलीवूडचे सिनेमे चांगले चालले नसते तर इतके वर्ष ही इंडस्ट्री तग धरुन राहिलीच नसती. एका वर्षात खूप सिनेमे बनतात, प्रत्येक सिनेमा चांगला चालेलच असं नाही. एखाद-दोन सिनेमे चांगले चालतात,काही नाही चालत.

आपल्याला याविषयी थोडं सविस्तर सांगतो की,साऊथच्या सिनेमांनी बॉक्सऑफिसवर खूप चांगलं प्रदर्शन केलं आहे. पुष्पा द राइज, आरआरआर,केजीएफ चॅप्टर २ या सिनेमांनी तर मोठमोठे रेकॉर्ड तोडले आहेत. यांच्याशी तुलना केली तर आलियाच्या गंगूबाई काठियावाडी,द काश्मिर फाईल्स, भूल भूलैय्या २,जुग जुग जियो सारखे मोजके सिनेमेच तिकीट बारीवर गर्दी खेचून आणण्यात यशस्वी ठरले आहेत.