मुंबई- कोरोना व्हायरसबाबत लोकांमध्ये जनजागृती निर्माण करण्याासाठी सलमान खान वेगवेगळ्या प्रकारे प्रयत्न करताना दिसत आहे..याच पार्श्वभूमीवर सलमान आता नवं गाणं त्याच्या चाहत्यांसाठी घेऊन आला आहे..सलमानने नुकतंच कोरोना व्हायरसशी संबंधित एक गाणं लॉन्च केलंय ज्याचं नाव आहे 'प्यार करोना..' या गाण्याला सलमानने स्वतः आवाज दिला आहे..आणि या ऑडिओ रिलीजला म्युझिक प्लॅटफॉर्मवर रिलीज केलं गेलं आहे..हे गाणं सलमानच्या युट्युबवर व्हिडिओमध्ये देखील पाहायला मिळेल..

हे ही वाचा: कोरोना योद्धांसाठी जॉन अब्राहमने सादर केलेली ही कविता एकदा पहाच..

सलमानने सोशल मिडीया प्लॅटफॉर्मवर हे गाणं रिलीज करत एक मजेदार पोस्ट देखील लिहीली आहे..सलमानने हे गाणं शेअर करत लिहीलं आहे, 'इमोशनली पास और फिजीकली दूर रहो ना, प्यार करोना..'  हे गाणं सलमान खान आणि हुसैन दलाल यांनी मिळून लिहीलेलं आहे तर संगीत साजिद-वाजिद यांनी दिलं आहे..

या गाण्यात सलमानने त्याच्या चाहत्यांना हे सांगण्याचा प्रयत्न केला आहे की, कोरोनाच्या या काळात सगळे घरात बसून काय काय करु शकतात? आणि त्यांचा हा वेळ कसा वेगळ्या पद्धतीने खास बनवू शकतात..सोबतंच त्याने त्याच्या चाहत्यांना हा वेळ त्यांच्या कुटूंबासोबत घालवण्याचा सल्लाही दिलाय..

काही दिवसांपूर्वी सलमानने एक व्हिडिओ पोस्ट करुन लॉकडाऊनचं पालन न करणा-यांना चांगलीच चपराक लगावली होती..इतकंच नाही तर धर्माच्या नावावर घराबाहेर पडणा-यांनाही त्याने सुनावले होते.. सलमानने या दरम्यान बंद असलेल्या सिनेइंडस्ट्रीतील २५ हजार कामगारांना आर्थिक मदत करणार असल्याचं जाहीर केलं होतं..इतकंच नाही तर तो या संकटाचा सामना करण्यासाठी वेगवेगळ्या प्रकारे मदतीचा हात पुढे करत आहे..

salman khan sings a song pyaar karona trying to aware people about coronavirus