मुंबई - बॉलीवूडचा भाईजान आता मराठीतीतील मुळशी पॅटर्न चित्रपटाच्या हिंदी रिमेकमध्ये दिसणार आहे. अशी चर्चा आहे. या चित्रपटात सलमान खान एका पोलिसवाल्याची भूमिका साकरणार आहे. तर आयुष शर्मा गॅंगस्टरच्या भूमिकेत कास करणार आहे. आणि या सिनेमाचं शूटींग पुढील महिन्यात १५ नोव्हेंबरपासून सुरू होण्याची शक्यता आहे.
सलमान जानेवारी २०२१ पर्यंत या चित्रपटाचे शूटींग करणार आहे. त्यानंतर सलमान त्याच्या आगामी 'टायगर' सिनेमाचं शूटींग करेल. यात त्याच्यासोबत कतरिना कैफ दिसणार आहे. सलमान खान सध्या बिग बॉस या मालिकेचा होस्ट म्हणून काम करत आहे. त्याच्या या शो चा 14 वा सीझन सुरु आहे. सलमानने 'राधे - युअर मोस्ट वॉन्टेड भाई' सिनेमाचं शूटींग पूर्ण केलं आहे. सलमान खान २०१८ साली आलेल्या सुपरहिट 'मुळशी पॅटर्न'चा हिंदी रिमेक 'अंतिम'मध्ये दिसणार असून त्याचं दिग्दर्शन महेश मांजरेकर करणार आहे.
एका इंग्रजी दैनिकाने दिलेल्या एका रिपोर्टनुसार पनवेल फार्महाऊसमध्ये ६ महिने घालवल्यानंतर आता सलमान पुन्हा सेटवर येण्यासाठी तयार आहे. या सिनेमाची स्क्रिप्ट त्याला फार आवडली आहे. एका लहान गावातील पोलिसवाला गॅंगस्टर्सचा बिमोड करण्यासाठीचा लढा या चित्रपटात प्रेक्षकांना पाहता येणार आहे. सिनेमात पाहुण्या कलाकारांसाठी ए ग्रेट स्टार्सना लिस्ट केलं गेलं आहे. मिळालेल्या माहितीनुसार, या चित्रपटाचं नाव 'गन्स ऑफ नॉर्थ'असं ठेवण्यात आले होते. मात्र नंतर ते बदलून 'अंतिम' करण्यात आलं. त्याचे शूटींग मुंबई आणि कर्जतमध्ये होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.