अलीकडेच प्रदर्शित झालेल्या 'किसी का भाई किसी की जान' या चित्रपटामुळे सलमान खान सध्या चर्चेत आहे. हा चित्रपट बॉक्स ऑफिसवर चांगली कमाई करत आहे. भाईजान अनेक दिवसांपासून या चित्रपटाचे प्रमोशन करत आहे.

याच अनुषंगाने तो नुकताच 'द कपिल शर्मा' शोमध्येही दिसला होता. यावेळी मंचावर सलमान खानने त्याचे दोन्ही भाऊ अरबाज खान आणि सोहेल खान यांच्या अयशस्वी लग्नाची खिल्ली उडवली.

अरबाज खान आणि सोहेल खान या दोघांचाही सध्या घटस्फोट झाला आहे. अरबाजने मलायका अरोरासोबत लग्न केले, तर सोहेलची पत्नी 'द फॅब्युलस लाइव्ह्स ऑफ बॉलीवूड वाइव्हज' फेम सीमा सजदेह होती. या दोन भावांचे लग्न यशस्वी झाले आणि आता घटस्फोटानंतर ते एकटे आयुष्य जगत आहेत.

सलमान नुकताच ‘द कपिल शर्मा शो’ या कॉमेडी शोमध्ये पोहचला होता. यावेळी सलमानच्या रिल आणि रिअल लाईफमधील या योगायोगाबद्दल कपिलने मजेशीर प्रश्न विचारला.

“तुझ्याकडे सोहैल आणि अरबाजने अशी कधी तक्रार केली का की तू आमचं कधीच ऐकत नाहीस, पण आता तो तुमचे नाही तर (चित्रपटातील भावंडांचं) ऐकतोय.” त्यावर सलमान म्हणतो, “माझं त्या दोघांनी कधीच ऐकलं नाही. पण आता ते माझे ऐकू लागले आहेत.” सलमानचा हा मजेदार व्हिडीओ सोशल मीडियावर चांगलाच व्हायरल होत आहे.

अरबाज खानने 1998 मध्ये मलायका अरोरासोबत लग्न केले आणि 2017 मध्ये दोघांचा घटस्फोट झाला. त्यांना अरहान खान हा मुलगा आहे. दुसरीकडे, सोहेल खान आणि सीमा सजदेह यांचे 1998 मध्ये लग्न झाले होते आणि गेल्या वर्षी घटस्फोटानंतर दोघेही वेगळे झाले.

सलमान खानचा 'किसी का भाई किसी की जान' हा चित्रपट 21 एप्रिल रोजी प्रदर्शित झाला. या चित्रपटात सलमान खान व्यतिरिक्त पूजा हेगडे, व्यंकटेश, जगपती बाबू, भूमिका चावला, पलक तिवारी, शहनाज गिल, सिद्धार्थ निगम, राघव जुयाल यांसारखे स्टार्स दिसणार आहेत.