लखनऊ: अभिनेता नागा चैतन्य (naga chaitanya) बरोबर झालेल्या घटस्फोटामुळे चर्चेत असलेली अभिनेत्री समंथा (Samantha) सध्या खास मैत्रीण शिल्पा रेड्डी सोबत अध्यात्मिक सहलीवर आहे. समंथा लवकरच तिच्याविरोधात खोट्या बातम्या पसरवणाऱ्या युट्यूब चॅनल्स (YouTube channels) विरोधात कारवाई करणार आहे. अनेक युट्यूब चॅनल्सनी समंथाचे विवाहबाह्य संबंध असून तिने गर्भपात (abortions) केल्याच्या बातम्या दिल्या होत्या. संमथा कारवाई करणार असल्याच्या वृत्ताला तिच्या पीआरने दुजोरा दिला आहे.
एकापेक्षा जास्त युट्यूब चॅनल्सना तिने नोटीस पाठवली आहे. समंथा सध्या तिची जवळची मैत्रीण शिल्पा रेड्डी सोबत ऋषीकेश येथे आहे. तिने इन्स्टाग्रामवरुन तिच्या या अध्यात्मिक सहलीचे फोटो आणि व्हिडीओ पोस्ट केले आहेत. नवोदित दिग्दर्शकांसोबत समंथा काम करणार आहे. अनेक चित्रपटांसाठी तिला करारबद्ध करण्यात आले आहे.
समंथाने अनेक युट्यूब चॅनल्सना मानहानी केल्याप्रकरणी कायदेशीर नोटीस पाठवली आहे. तिच्या पीआरने ही माहिती दिली. इंडिया टुडेने हे वृत्त दिले आहे. समंथाने नागा चैतन्यपासून विभक्त होणार असल्याचे जाहीर केल्यापासून अनेक चॅनल्सनी स्वत:ची थिअरी मांडली होती.
अनेक व्हिडीओसमधून संमथाचे विवाहबाह्य संबंध असून तिने गर्भपात केल्याचा आरोप करण्यात आला होता. सुमन टीव्हीला सुद्धा समंथाने कायदेशीर नोटीस पाठवली आहे. त्याशिवाय तिच्यावर गर्भपाताचा आरोप करणारे वकील वेंकट राव यांना सुद्धा समंथाने नोटीस पाठवली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.