Samantha Ruth Prabhu Naga Chaitanya Relationship actor : साऊथमधील प्रसिद्ध जोडी नागा चैतन्य आणि समंथाच्या घटस्फोटानं चाहत्यांना कमालीच्या वेदना झाल्या होत्या. त्यांच्यातील वाद टोकाला गेला आणि त्यानं एकमेकांपासून वेगळं होण्याचा निर्णय घेतला. यावर दोन्ही सेलिब्रेटी नेहमीच एकमेकांविषयी बोलताना दिसतात. आता नागा चैतन्याची एक मुलाखत व्हायरल झाली आहे.

एका मुलाखतीमध्ये नागानं आपल्या वैयक्तिक आयुष्याविषयी काही खुलासे केले आहेत. त्यामध्ये त्यानं मला आतापर्यत कोणत्याही निर्णयामुळे पश्चाताप झालेला नाही. मात्र समंथाबरोबरच्या त्या निर्णयानं अजुनही मनामध्ये वेगवेगळे प्रश्न निर्माण होत आहेत. कदाचित मी काही निर्णय खूप वेगानं घेतले असतील. त्याचा परिणाम आता दिसून येतो आहे. पण जे झाले ते झाले याविषयी फार गांभीर्यानं घेण्याची गरज नाही. असेही नागा चैतन्यानं म्हटले आहे.

Also Read : Fatty Liver Disease: संतुलित आहारातून रोखा फॅटी लिव्हरचा आजार

नागा चैतन्य आणि समंथाचा गेल्या वर्षी ऑक्टोबरमध्ये घटस्फोट झाला होता. तेव्हापासून दोन्ही सेलिब्रेटींच्या चाहत्यांना वाईट वाटले होते. सोशल मीडियावर दोन्ही सेलिब्रेटींनी एकमेकांवर आरोपही केले होते. त्या आरोपांची पातळीही घसरली होती. घरातील वैयक्तिक वाद हे सोशल मीडियावर जगजाहीर झाले होते. अखेर समंथानं इंस्टावरुन नागा चैतन्याचे फोटो डिलीट केले होते.

समंथानं घटस्फोटानंतर एक पोस्ट शेयर केली होती. त्यामध्ये तिनं म्हटले होते की, भलेही आता आम्ही वेगळे झाले असू मात्र आमच्यातील मैत्रीचं नातं हे कायम राहील. पती पत्नी म्हणून आम्ही एकत्र राहू शकत नव्हतो. दोघांमध्ये सातत्यानं होणारा वाद, संवादाचा अभाव यामुळे तो कटू निर्णय घ्यावा लागला होता. असेही समंथानं म्हटले होते.