Samantha Ruth Prabhu: दाक्षिणात्य अभिनेत्री समांथा रुथ प्रभू ही केवळ साऊथमध्येच नव्हे तर संपूर्ण देशभरात लोकप्रिय आहे. समांथाचे लाखो चाहते आहेत. कायम चर्चेत असलेली समांथा लवकरच बॉलीवूडमध्ये पदार्पण करणार आहे. आयुष्मान खुरानासोबत समांथा तिच्या पहिल्या वहिल्या बॉलीवूड सिनेमामध्ये झळकणार आहे. समांथाच्या या बॉलीवूड एण्ट्रीसाठी तिचे चाहते उत्सुक आहेत. उत्तम अभिनयासोबतच आरस्पानी सौंदर्याने घायाळ करणाऱ्या समांथाला मात्र सध्या एका वेगळ्याच अडचणीचा सामना करावा लागत आहे. समांथा एका गंभीर आजाराने त्रस्त आहे. या आजारावर उपचार घेण्यासाठी तिला शूटिंग सोडून परदेशात जावं लागलं आहे. (Samantha Ruth Prabhu struggle with health issue)

पुष्पा' सिनेमातील आयटम साँगमधून आपल्या अदाकारीने घायाळ करणाऱ्या समांथाला त्वचेशी निगडीत एका आजाराने ग्रासल आहे. यामुळेच ती लोकांमध्ये जाणंही टाळू लागली आहे. 'पॉलीमॉर्फ्स लाइट इरप्शन' हा त्वचेचा आजार समांथाला झाला आहे. या आजारात सुर्यप्रकाशात आल्याने संपूर्ण शरिराला खाज येते, वेदना होतात आणि डाग पडू लागतात. यामुळेच समांथाने सध्या शूटींगमधून ब्रेक घेतला आहे.

उपचारासाठी गाठलं अमेरिका

'पॉलीमॉर्फ्स लाइट इरप्शन' या आजारावर उपचार घेण्यासाठी समांथा अमेरिकेला गेली आहे. उपचारामुळे समांथाने तिच्या 'खुशी' या आगामी सिनेमाच्या शूटींगच्या तारखा पुढे ढकलल्या आहेत. या सिनेमात ती अभिनेता विजय देवरकोंडासोबत झळकणार आहे. सोशल मीडियावरही समांथा गेल्या महिनाभरापासून फारशी सक्रिय़ नसल्याचं दिसतंय. तसंच कोणत्याही इव्हेंटमध्ये जाणंही समांथा टाळते.

'फॅमिली मॅन -२' या हिंदी वेब सीरिजमधून झळकल्यानंतर समांथाकडे अनेक बॉलिवूड सिनेमांच्या ऑफर आल्याच्या चर्चा सुरू झाल्या होत्या. त्यानंतर य़ा चर्चांवर शिक्का मोर्तबही झाला. काही दिवसांपूर्वीच समांथा अक्षय कुमारसोबत फिल्ममेकर करण जोहरच्या 'कॉफी विथ करण-७' या शोमध्ये पाहुणी म्हणून आली होती. समांथा लवकरच तो 'खुशी', 'यशोदा', शाकुंतलम या सिनेमांमधूम झलकणार आहे. या शिवाय समामथाच्या चाहत्यांना आता प्रतिक्षा आहे ती म्हणजे तिच्या बॉलीवूड पदार्पणाची.