Sameer Wankhede ex NCB Officer Mumbai High Court : बॉलीवूडचा किंग खान शाहरुख याच्या मुलाला अटक करणारे एनसीबीचे माजी अधिकारी यांच्या सुनावणीबाबत एक मोठी अपडेट समोर आली आहे. मुंबई हायकोर्टानं वानखेडे यांना दिलासा दिला आहे. मुंबई कोर्टानं वानखेडे यांना अटकेपासून संरक्षण दिले आहे.

सुत्रांनी दिलेल्या माहितीनुसार वानखेडे यांना ८ जुन पर्यत अटकेपासून संरक्षण देण्यात आले आहे. अटकेपासून संरक्षण देण्याचा कोर्टाचा आदेश कायम ठेवण्यात आला आहे. यासगळ्या सगळ्यात कोर्टानं काही अटी वानखेडे यांच्यासमोर ठेवल्या आहेत. त्या म्हणजे त्यांना यापुढे आर्यन खान प्रकरणाशी संबंधित कोणत्याही प्रकारचे व्हाट्स अप चॅट व्हायरल करता येणार नाही. यापूर्वी समीर वानखेडे यांनी बॉलीवूडचा किंग खान शाहरुख आणि त्यांच्यातील चॅट हे व्हायरल केल्याचे सांगण्यात आले होते. त्यावर कोर्टानं त्यांना समज दिली आहे.

Also Read - Fatty Liver Disease: संतुलित आहारातून रोखा फॅटी लिव्हरचा आजार

समीर वानखेडे यांनी त्यांच्याकरिता पोलीस संरक्षणाची मागणी केली आहे. आपल्याला सोशल मीडियावरुन जीवे मारण्याच्या धमक्या येत आहेत. अशातच कोणताही अनुचित प्रकार घडू नये म्हणून संरक्षण मिळावे, अशी मागणी वानखेडे यांनी कोर्टाकडे केली आहे. यापूर्वी वानखेडे यांनी माध्यमांना आर्यन खान केस प्रकरणातील काही गोष्टी शेयर केल्या होत्या. त्यानंतर वेगळ्याच चर्चांना उधाण आले होते. आता कोर्टानं त्याकडे लक्ष वेधले आहे.

वानखेडे यापूर्वी कोणतीही माहिती माध्यमांकडे शेयर करताना काळजी घ्या. कोणत्याही प्रकारचे चॅट व्हायरल होणार नाही याची काळजी घ्यायला हवी. असे कोर्टानं म्हटले आहे. गेल्या काही दिवसांपासून एनसीबीचे माजी अधिकारी समीर वानखेडे हे चर्चेत आले आहे. आर्यन खान अटकेप्रकरणी त्यांच्यावर २५ कोटींची खंडणी घेतल्याचा आरोप करण्यात आला आहे.