अभिनयविश्व सोडल्यानंतर सना खानने मौलाना मुफ्ती अनसशी निकाह केला. सलमान खानची सहकलाकार आणि माजी बिग बॉस स्पर्धक सना तिच्या लग्नामुळे खूप चर्चेत होती. आता सना पुन्हा एकदा सोशल मीडियावर चर्चेत आली आहे. दुबईतील बुर्ज खलिफा या आलिशान इमारतीच्या १२२व्या मजल्यावर बसून सोन्याची कॉफी पित असल्याचा फोटो तिने इन्स्टाग्राम अकाऊंटवर पोस्ट केला. याच फोटोंमुळे ती चर्चेत आली आहे. सना तिच्या पतीसोबत दुबईत सुट्ट्यांचा आनंद घेतेय. याच ट्रिपदरम्यान पती अनसने सनाला खास सरप्राइज दिलं. दुबईत बुर्ज खलिफा इमारतीतील १२२व्या मजल्यावर जगातली सर्वांत उंचावर असलेलं 'अॅट मॉसफिअर' हे रेस्टॉरंट आहे. याच रेस्टॉरंटमध्ये नाश्ता करण्याचं सरप्राइज अनसने दिलं. 

सोशल मीडियावर पोस्ट केलेल्या या फोटोंमध्ये सना काचेच्या खिडकीजवळ बसून 'गोल्ड प्लेटेड कॉफी' पिताना दिसतेय. याचसोबत तिने ब्रेकफास्टमध्ये ऑर्डर केलेल्या काही पदार्थांचेही फोटो पोस्ट केले आहेत. 'जेव्हा तुमचा पती तुम्हाला बुर्ज खलिफाच्या रेस्टॉरंटमध्ये गोल्ड प्लेटेड कॉफीचं खास सरप्राइज देतो', असं कॅप्शन तिने या फोटोंना दिलं आहे.  

हेही वाचा : किरण खेर यांना ब्लड कॅन्सर; गेल्या चार महिन्यांपासून उपचार सुरू

अचानकच घेतला लग्नाचा निर्णय
सना खानने इस्लाम धर्मासाठी चित्रपटसृष्टी सोडत असल्याचं सोशल मीडियावर जाहीर केलं होतं. तिच्या या निर्णयाने अनेकांना धक्का बसला होता. त्यानंतर अचानक तिच्या लग्नाची बातमी समोर आली. गुजरातचे मौलाना मुफ्ती अनसशी तिने निकाह केला. तिच्या लग्नाचे फोटो आणि व्हिडीओ सोशल मीडियावर तुफान व्हायरल झाले होते. सनाने 'बिग बॉस'च्या सहाव्या पर्वात भाग घेतला होता. प्रसिद्ध कोरिओग्राफर आणि डान्सर मेल्विन लुईसशी तिचं अफेअर होतं. लग्नाच्या काही महिन्यांपूर्वीच या दोघांचं ब्रेकअप झालं होतं.