Sandra Bullock's partner Bryan Randall dead at 57: ऑस्कर आणि गोल्डन ग्लोब सारखे अनेक पुरस्कार जिंकणारी अभिनेत्री सँड्रा बुलक (Sandra Bullock) हिच्यावर दु:खाचा डोंगर कोसळला आहे. तिचा लाँग टाईम पार्टनर ब्रायन रँडलचं  (Bryan Randall) निधन झालं आहे.

ब्रायन गेल्या तीन वर्षांपासून Amyotrophic Lateral Sclerosis या आजाराशी लढत होते. हा एक प्रकारचा मज्जासंस्थेशी निगडित आजार होता. जो मेंदू आणि पाठीच्या कण्यातील मज्जासंस्थेवर परिणाम करतो.

यामध्ये रुग्णाचे त्यांच्या स्नायूंवरील नियंत्रण गमावतो आणि कालांतराने हा आजार खूप गंभीर आणि अधिक धोकादायक बनतो. ब्रायन रँडल हा 57 वर्षांचा होता. तो प्रसिद्ध फोटोग्राफर होता.

ब्रायन रँडल हा गेल्या 2015 पासून सँड्रा बुलकसोबत रिलेशनशिपमध्ये होता. ब्रायनच्या कुटुंबीयांनी त्याच्या निधनाची बातमी चाहत्यांना दिली आहे. 'द टाइम्स'ला याबाबत एक निवेदन जारी केलं आहे.

यात त्यानी म्हटलं आहे की, तीन वर्षे एएलएसशी झुंज दिल्यानंतर ब्रायनचा 5 ऑगस्ट रोजी मृत्यू झाला. ब्रायनला त्याच्या आजाराबद्दल कुणालाही सांगायचं नव्हत त्याला ते गोपनीय ठेवायचं होत.

आता त्याच्या निधानानंतर त्याच्या कुटुंबीयांनी फुलांऐवजी एएलएस असोसिएशनसाठी देणगी देण्याचे आवाहन केले आहे.

2021 साली दिलेल्या एका मुलाखतीत अभिनेत्रीनं सांगितलं होत की, 'ती जेव्हा घटस्फोटासारख्या परिस्थीतीतुन जात होती आणि त्या काळात तिला ब्रायन रँडलमध्ये तिचं प्रेम सापडलं.' त्यांनी लग्न केलेलं नव्हतं की, तिला एक योग्य जोडिदार आणि आई होण्यासाठी कागदाची गरज नाही. असं ती म्हणाली होती.

ब्रायन बद्दल सांगायचं झालं तर तो ओरेगॉनचा रहिवासी असून व्यावसायिक फोटोग्राफर आणि प्रसिद्ध मॉडेल होता. ब्रायनची फोटोग्राफी नावाची त्यांची स्वतःची कंपनी आहे. ब्रायन हा व्होग पॅरिस आणि हार्पर बाजार सिंगापूर सारख्या अनेक लोकप्रिय फॅशन मासिकांवर जेखील झळकलेला होता. त्याला त्याच्या पहिल्या बायकोपासून एक मुलगीही होती.