अभिनेत्री खुशबू तावडे Khushboo Tawde आणि अभिनेता संग्राम साळवी Sangram Salvi यांच्या घरात चिमुकल्या पाहुण्याचं आगमन झालं आहे. खुशबूने मुलाला जन्म दिला असून सोशल मीडियावर फोटो पोस्ट करत चाहत्यांना आनंदाची बातमी सांगितली. संग्रामने पोस्ट केलेल्या फोटोच्या कॅप्शनमध्ये त्याने मुलाचं नावसुद्धा सांगितलं आहे. '२-११-२१ राघव', असं त्याने कॅप्शनमध्ये लिहिलं आहे. २ नोव्हेंबर रोजी खुशबू आणि संग्रामच्या आयुष्यात चिमुकल्या पाहुण्याचं आगमन झालं.
या फोटोवर संग्राम-खुशबूचे इंडस्ट्रीतील मित्रमैत्रिणी शुभेच्छांचा वर्षाव करत आहेत. 'देवयानी' या मालिकेमुळे संग्राम घराघरात पोहोचला. याशिवाय त्याने 'आई माझी काळूबाई', 'गुलमोहर', 'सूर राहू दे' यांसारख्या मालिकांमध्ये काम केलं. सध्या तो 'कन्यादान' या मालिकेत महत्त्वपूर्ण भूमिका साकारत आहे. तर खुशबूने 'तेरे बिन', 'मेरे साई', 'आम्ही दोघी' अशा मालिकांमध्ये काम केलंय. खुशबू आणि संग्रामने ५ मार्च २०१८ रोजी लग्नगाठ बांधली.
रश्मी अनपट, गौरी नलावडे, मंगेश बोरगावकर, ऋतुजा बागवे, धनश्री कडगावकर, गिरीजा प्रभू, वीण जगताप आणि इतरही काही सेलिब्रिटींनी खुशबू आणि संग्रामला शुभेच्छा दिल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.