सपना चौधरीच्या (Sapna Choudhary) चाहत्यांसाठी एक वाईट बातमी आहे. ही बातमी समजल्यानंतर तिचे चाहते नाराज होणार, हे मात्र नक्की! कारण, सपना चौधरीनं सोशल मीडियाला (Social Media) काही काळासाठी 'अलविदा' केल्याचं बोललं जातंय. खुद्द सपनानं तिच्या इन्स्टा पोस्टवरुन ही माहिती दिलीय.

सपनानं इन्स्टा पोस्टव्दारे लिहिलंय, राम राम.. प्रकृती अस्वास्थ्यामुळं मी अपडेट राहणार नाहीय. मला माफ करा; पण लवकरच भेटू! अशी सपनानं पोस्ट लिहून शेअर केलीय. तिच्या या पोस्टमुळं चाहते चिंताग्रस्त झाल्याचं पहायला मिळतंय. सपना चौधरीच्या प्रकृतीबाबतही ते चिंतेत आहेत. सपना चौधरी सोशल मीडियावर खूपच सक्रिय असते. सुंदर फोटो, मजेदार रिल्स अपलोड करत असते. सपनाचं सुंदर फोटो पाहून चाहते आपला संपूर्ण दिवस घालवतात. मात्र, सोशल मीडियाला 'अलविदा' केलाय.

सपनानं किती दिवसांपासून सोशल मीडियातून ब्रेक घेतलाय, याची माहिती अद्याप समोर आलेली नाही. काही दिवस सपना सोशल मीडियावर अॅक्टिव्ह दिसणार नाही एवढंच समजतंय. मध्य प्रदेशातील एका लाईव्ह शोदरम्यान सपना चौधरीची तब्येत बिघडल्याचं वृत्त आहे. ती स्टेजवर नाचत होती. यावेळी तिच्या पोटात दुखू लागलं, त्यानंतर तिला रुग्णालयात दाखल केलं. रुग्णालयातून डिस्चार्ज मिळाल्यानंतर सपना घरीच स्वतःची काळजी घेत आहे. यासाठीच सपनानं काही दिवस सोशल मीडियापासून ब्रेक घेण्याचा निर्णय घेतलाय.