Sara Ali Khan Injured : प्रसिद्ध अभिनेत्री सारा अली खान ही आता वेगळ्याच कारणामुळे चर्चेत आली आहे. तिला तिच्या एका चित्रपटाच्या प्रमोशन करताना अपघाताला सामोरं जावं लागल्याचे दिसून आले आहे. सारानं तिच्या इंस्टावरुन शेयर केलेल्या त्या पोस्टवरुन चर्चेला उधाणही आले आहे.

सारा ही लवकरच मर्डर मुबारक नावाच्या चित्रपटामध्ये दिसणार आहे. त्यानंतर तिचा ए वतन मेरे वतन नावाचा देशभक्तीपर चित्रपटही प्रेक्षकांसमोर येणार आहे. या सगळ्यात तिला अपघात झाल्याची बातमी व्हायरल होत आहे. जागरणनं याबाबत एक वृत्त दिलं आहे. सारानं तिला काय झाले आहे हे सांगितलं असून नेमक्या कोणत्या कारणामुळे तो प्रसंग घडला हे मात्र सांगितलेलं नाही.

साराबाबत सांगायचे झाल्यास गेल्या वर्षी तिचे काही प्रोजेक्ट समोर आले होते. मात्र त्याला प्रेक्षकांचा म्हणावा असा प्रतिसाद मिळाला नाही. दोन वर्षांपूर्वी तिचा धनुषसोबत आलेल्या अतरंगी चित्रपटातील तिच्या भूमिकेचे कौतुक झाले होते. आनंद एल राय यांनी या चित्रपटाचे दिग्दर्शन केले होते. आता तिच्या ए वतन मेरे वतन आणि मर्डर मुबारक नावाच्या चित्रपटाची चाहत्यांना कमालीची उत्सुकता आहे.

साराला झाली दुखापत...

सारानं तिच्या ऑफिशियली इंस्टावरुन एक व्हिडिओ शेयर केला आहे. त्यामध्ये तिनं तिच्या चाहत्यांना नमस्कार म्हटले आहे. सारा म्हणते मी आता एकाचवेळी दोन दोन चित्रपटांचे प्रमोशन करते आहे. या सगळ्यात मला पोटाचा त्रास सुरु झाला आहे.

या सगळ्यात मला मोठा धडा मिळाला आहे. दुर्देवानं ती गोष्ट आमच्यासोबत घडली. सारानं ही गोष्ट तिच्याविषयी कशी काय घडली हे मात्र सांगितलेलं नाही.

काही दिवसांपूर्वी साराच्या ए वतन मेरे वतन नावाच्या चित्रपटाचा ट्रेलर प्रदर्शित झाला होता. त्यात सारानं साकारलेल्या भूमिकेचे कौतुक होत आहे. त्या ट्रेलरमधून तिच्या वाट्याला आलेल्या भूमिकेविषयी वेगवेगळ्या प्रतिक्रिया समोर आल्या आहेत. ए वतन मेरे वतन मध्ये साराची भूमिका ही आतापर्यतची सर्वात प्रभावी भूमिका असल्याच्या प्रतिक्रिया चाहत्यांनी दिल्या आहेत.