Sara Ali Khan News: बॉलिवूड अभिनेत्री सारा अली खानचा चाहता वर्ग हा देशभर पसरला आहे. तिचा स्वभावामुळे चाहत्यांना ती खूप आवडते आणि लोकांना तिच्याशी जोडायला आवडत. याशिवाय ती पापाराझी किंवा चाहत्यांशी ज्या साधेपणाने वागते त्याचेही खूप कौतुक केले जाते.

ती इंडस्ट्रीतील सर्वात लोकप्रिय स्टारकिड आहे आणि बरेच लोक तिला सोशल मीडियावर फॉलो करतात. ती जिथे जाते तिथे तिला पाहण्यासाठी गर्दी जमते. ती नुकतीच विमानतळावर स्पॉट झाली. यादरम्यानचा तिचा एक व्हिडिओ व्हायरल होत आहे ज्यामध्ये ती एका चाहत्याला भेटल्यानंतर थोडी अस्वस्थ झालेली दिसत आहे.

सारा अली खान उदयपूरमध्ये होती, तेथून ती मुंबईला परतली. विमानतळावर चाहत्यांनी तिला पाहताचं घेराव घातला. लोक तिच्यासोबत सेल्फी काढू लागले. तेवढ्यात एक मुलगी आली आणि तिने साराशी हातमिळवणी केली. व्हिडिओमध्ये साराही हसत हसत फॅनशी हस्तांदोलन करताना दिसत आहे.

जेव्हा ती चाहती पुढे सरकते तेव्हा ती साराच्या केसांजवळ हात घेऊन तिला स्पर्श करते. हे सर्व काही सेकंदात घडते आणि अशा परिस्थितीत त्या चाहत्याचा हेतू काय होता हे ठरवता येत नाही.

पण साराचे हावभाव बघता हे स्पष्ट होते की, त्या काळात तिला अस्वस्थ वाटत होती. साराला क्षणभर धक्काच बसला. पण त्यानंतर तिने चेहऱ्यावर हसू घेऊन चाहत्यांसोबत फोटो क्लिक करायला सुरुवात केली.

साराची प्रतिक्रिया पाहून चाहते तिची खूप प्रशंसा करत आहेत. मात्र, तिचे चाहते त्या महिला चाहत्यावर नाराज आहे. व्हिडिओ पाहिल्यानंतर एका यूजरने कमेंट केली की, 'ती दागिने चोरण्याचा प्रयत्न करत होती. हे पाहून खूप वाईट वाटते.

भारताचे काय होणार? आणखी एका युजरने कमेंट केली, 'पण सारा खूप क्यूट आहे. तिच्यात अजिबात दिखावा नाही. एकाने कमेंट केली की, असे म्हटले जाते की कलाकार असभ्य वागतात, मात्र साराने तिच्या कानाखाली मारायला हवी होती.

वर्क फ्रंटबद्दल बोलायचं झालं तर ती , सारा अली खान विक्रांत मॅसीसोबत 'गॅसलाइट' मध्ये दिसणार आहे. 'आये वतन मेरे वतन'मध्येही ती दिसणार आहे. तिने लक्ष्मण उतेकर दिग्दर्शित विकी कौशलसोबतच्या चित्रपटासाठी आणि जगन शक्तीसोबतही चित्रपट साईन केले आहेत.