SRK Birthday Video: आज शाहरुख खानचा वाढदिवस. शाहरुख खानने आजवर विविध सिनेमांमधुन स्वतःच्या अभिनयाची छाप पाडली. शाहरुख खानने २०२३ ला पठाण आणि जवान या दोन्ही सिनेमांंमधुन यावर्षी सुपरहिट कामगिरी केली.

आज शाहरुखच्या वाढदिवसानिमित्ताने हिंदी - मराठी मनोरंजन विश्वातील अनेक जण त्याला शुभेच्छा देत आहेत. अशातच मुक्ताने शाहरुखची एक खास आठवण सर्वांसोबत शेअर केली.

(shah rukh khan and mukta barve viral video on srk birthday)

मुक्ताची शाहरुखसोबत फॅन मुमेंट

मुक्ता बर्वेने शाहरुखच्या वाढदिवशी त्याच्यासोबतची एक खास मुमेंट शेअर केलीय. या व्हिडीओत पाहायला मिळतं की, मुक्ता बर्वेच्या हृदयांतर आणि स्माईल प्लीज सिनेमाच्या वेळी शाहरुख खान इव्हेंटला उपस्थित होता.

त्यावेळी मुक्ता बर्वेचं नाव पुकारताच शाहरुखने अत्यंत आदराने तिला हात देऊन स्टेजवर आणलं आणि तिला मिठी मारली. शाहरुखचा हा व्हिडीओ शेअर करुन मुक्ताने त्याला वाढदिवसाच्या शुभेच्छा दिल्यात.

शाहरुखने वाढदिवसाला फॅन्ससोबत केलं सेलिब्रेशन

२ नोव्हेंबरला रात्री १२ वाजता मन्नतच्या गॅलरीबाहेर शाहरुख आला आणि फॅन्सने एकच जल्लोष केला.

शाहरुखने ब्लॅक टीशर्ट, डोक्यावर टोपी, डोळ्यावर चष्मा अशा खास अंदाजात मन्नतबाहेर आला होता. त्याने नेहमीप्रमाणे सर्वांना अभिवादन केलं.

शाहरुखला पाहताच मन्नतबाहेर एकच जल्लोष झाला. शाहरुखने सर्वांच्या प्रेमाचा स्वीकार केला.शाहरुखच्या वाढदिवशी डंकी सिनेमाचा पहिला टीझर रिलीज

शाहरुखच्या वाढदिवसाला डंकीच्या टीझरची भेट

शाहरुखच्या वाढदिवशी डंकी सिनेमाच्या टीझरची भेट त्याच्या फॅन्सना मिळाली आहे. सुरुवात होते एका डोंगराळ भागातुन. जिथे शाहरुख काही साथीदारांसोबत डोंगराळ भागात चालताना दिसतो. त्याच्यावर कोणीतरी बंदुक रोखुन उभं आहे.

अचानक टीझर पंजाबमध्ये घेऊन जातो. जिथे शाहरुख नाचुन - गाऊन धम्माल करताना दिसतो. त्याचे मित्रही दिसतात. तापसी पन्नू, विकी कौशलची झलक सिनेमात पाहायला मिळते. या मित्रांना लंडनमध्ये जायची इच्छा असते. आता त्यांचं स्वप्न पूर्ण होणार का? हे सिनेमात पाहायला मिळेल.