Sanjay Leela Bhansali Upcoming Project: संजय लीला भन्साली आणि शाहरुख खान यांनी देवदास सिनेमा गाजवला. २००२ साली आलेला देवदास आजही अनेकांच्या स्मरणात आहे.

संजय - शाहरुख यांनी देवदासनंतर पुन्हा एकत्र काम केलं नाही. पण आता दोघांच्या चाहत्यांसाठी आनंदाची बातमी. शाहरुख - भन्साली आगामी सिनेमानिमित्ताने पुन्हा एकत्र येत आहेत. वाचा सविस्तर...

'इंशाअल्लाह' ची उत्सुकता

खरं तर, संजय लीला भन्साळी त्यांचा मोस्ट अवेटेड चित्रपट 'इन्शाअल्लाह' या वर्षी बनवण्याच्या तयारीत आहेत. या चित्रपटावर ते बऱ्याच दिवसांपासून काम करत आहे. पिंकविलाच्या रिपोर्टनुसार भन्साळी या वर्षी मे किंवा जूनपासून या चित्रपटाचं शुटींग करण्याच्या तयारीत आहेत.

चित्रपटाचे पोस्ट प्रोडक्शनचे काम पूर्ण झाले आहे. त्याचबरोबर या सिनेमासाठी सध्या स्टारकास्ट शोधली जात आहे. या चित्रपटासाठी सलमान खानचे नाव बऱ्याच दिवसांपासून चर्चेत होते. पण आता सलमानच्या जागी शाहरुख काम करणार आहे, अशी चर्चा आहे.

‘इंशाअल्लाह’मध्ये सलमानच्या जागी शाहरुख दिसणार?

'हम दिल दे चुके सनम'नंतर भन्साळी सलमान खानसोबत 'इंशाअल्लाह'मध्ये काम करणार असल्याचे बोलले जात होते. या चित्रपटात सलमानसोबत आलिया भट्टचेही नाव दिसले होते. पण आता सलमान खान या चित्रपटाचा भाग नसल्याच्या बातम्या येत आहेत. भाईजान आणि भन्साळी यांच्यातील काही मतभेदांमुळे हे घडले.

आता या चित्रपटात सलमानच्या जागी शाहरुख खान दिसणार आहे. या चित्रपटासाठी भन्साळी एका महिन्यात अनेकवेळा शाहरुख खानला भेटल्याचे वृत्त आहे. भन्साळींनी किंग खानला चित्रपटाची स्क्रिप्टही वाचून दाखवली, जी त्याला खूप आवडली. मात्र अद्याप काहीही ठरलेले नाही.

संजय लीला भन्साळी यांचा 'बैजू बावरा'

'इंशाअल्लाह' व्यतिरिक्त संजय लीला भन्साळी यांचा आणखी एक चित्रपट 'बैजू बावरा' देखील याच वर्षी प्रदर्शित होऊ शकतो. चित्रपट निर्मातेही या चित्रपटावर वेगाने काम करत आहेत. मात्र, या चित्रपटाबाबत अद्याप फारशी माहिती समोर आलेली नाही.