'टायगर 3' मध्ये शाहरुख खान एका खास भूमिकेत असल्याचे चाहत्यांना समजले तेव्हापासून लोक त्यांच्या आवडत्या कलाकारांच्या सीन-सीक्वेन्सबद्दल जाणून घेण्यासाठी उत्सुक आहेत.

सलमानसोबतच्या त्याच्या खास अॅक्शन सीन्ससाठी मुंबईतील यशराज स्टुडिओमध्ये सेट बनवण्याचे काम जोरात सुरू आहे. असे सांगितले जात आहे की, दोन्ही खान पुढील महिन्यात चित्रपटाचे खास सीन शूट करणार आहेत. सुमारे दोन आठवडे शूटिंग सुरू राहणार आहे.

यावेळी मायानगरीमध्ये एक नवीन बातमी पसरली आहे.. की 'टायगर 3'मध्ये सलमान आणि शाहरुख कसे दिसणार? त्याची माहितीही लीक झाली आहे. (Entertainment News in Marathi)

सूत्रांनी दिलेल्या माहितीनुसार, निर्मात्यांनी चित्रपटात शाहरुख सलमानसोबत तुरुंगातून पळून जाणार असा सीन ठेवला आहे. कथेत टायगरला तुरुंगातून पळून जावे लागते.

पठाण आपल्या मित्राच्या मदतीसाठी तेथे उपस्थित राहणार आहे. एवढेच नाही तर या खास सीनमध्ये लोकप्रिय भारतीय जिम्नॅस्टही दिसणार असल्याचे ऐकायला मिळत आहे. तुरुंगातील त्याची व्यक्तिरेखा खलनायकाची असून, त्याच्याशी भांडण केल्यानंतर शाहरुख आणि सलमान एकत्र दिसणार आहेत.(Latest Marathi News)

'पठाण'प्रमाणेच 'टायगर 3'मध्ये कॅमिओ पात्रांना महत्त्व देण्यात आल्याचे सांगण्यात येत आहे. 'पठाण' चित्रपटातील एका महत्त्वाच्या दृश्यात सलमान दिसला होता. त्यामुळे हा चित्रपट प्रेक्षकांसाठी अधिक आनंददायी झाला. निर्मात्यांना सलमानच्या चित्रपटात शाहरुखची उपस्थिती मोठ्या प्रमाणात हवी आहे.

'टायगर 3' हा चित्रपट यंदाच्या दिवाळीत प्रदर्शित होणार आहे. सलमान खान या चित्रपटात टायगरच्या भूमिकेत पुनरागमन करत आहे. तर कतरिना कैफ जोयाच्या भूमिकेत दिसणार आहे. या चित्रपटात इमरान हाश्मी खलनायकाची भूमिका साकारणार आहे.