Shah Rukh Khan News: शाहरुख खान हा भारतीयच नव्हे तर जगभरातील तमाम फॅन्सच्या गळ्यातला ताईत.

शाहरुख खानने या वर्षी पठाण सिनेमातून बॉक्स ऑफिसवर धमाका केला. शाहरुखची किती क्रेझ आहे हे पठाण सिनेमातून दिसलं.

पठाणने न भूतो न भविष्यती असा रेकॉर्ड करत बॉक्स ऑफिसवर १००० कोटींचा गल्ला जमवला. फॅन्समध्ये शाहरुखची किती हवा आहे याचा अनुभव नुकताच आला. या फॅन्सनी चक्क गिनीज बुक ऑफ वर्ल्ड रेकॉर्डमध्ये नाव नोंदवलं आहे.

शाहरुख अनेकदा त्याचं घर मन्नत बाहेर उभ्या असलेल्या फॅन्सना भेटत त्याचं प्रेम स्वीकारत असतो.

शाहरुख खानचे वांद्रे येथील निवासस्थान 'मन्नत' हे त्याच्या चाहत्यांसाठी एक आवडते ठिकाण आहे, जिथे लोक किंग खानची एक झलक पाहण्यासाठी दररोज कडक उन्हात उभे असतात.

शाहरुखही अनेकदा घराच्या बाल्कनीत येऊन आपल्या चाहत्यांना सरप्राईज देतो आणि त्यांना शुभेच्छा देतो.

10 जून 2023 रोजी पुन्हा एकदा शाहरुख खानच्या 'मन्नत' बंगल्याबाहेर चाहत्यांनी गर्दी केली होती, पण यावेळी असे काही घडले ज्याने इतिहास रचला. वास्तविक, शाहरुख स्टारर चित्रपट 'पठाण' हा या वर्षातील सर्वाधिक कमाई करणाऱ्या चित्रपटांपैकी एक असून त्याचा वर्ल्ड प्रीमियर 18 जून 2023 रोजी स्टार गोल्डवर होणार आहे. त्यामुळे स्टार गोल्डने शाहरुखच्या चाहत्यांसह इतिहास रचण्याचा निर्णय घेतला.

स्टार गोल्डने शाहरुख खानच्या चाहत्यांना एका व्यासपीठावर एकत्र आणण्याचा निर्णय घेतला जो ऐतिहासिक ठरला. मीडियाच्या उपस्थितीत, शाहरुख खानच्या 300 चाहत्यांनी SRK च्या आयकॉनिक पोझ केली आणि त्यांचे नाव थेट गिनीज वर्ल्ड रेकॉर्डमध्ये नोंदवले.

शाहरुख खानचा एक व्हिडिओ देखील सोशल मीडियावर समोर आला आहे, ज्यामध्ये किंग खान चाहत्यांसोबत आयकॉनिक पोज देताना दिसत आहे. यादरम्यान, अभिनेत्याने 'पठाण' मधील 'झूमे जो पठाण' गाण्याचे हुक-स्टेप देखील केले.

याशिवाय हाय-हॅलो म्हणत त्याने चाहत्यांना फ्लाइंग किस्सही दिले. पठाणचा वर्ल्ड टेलिव्हिजन प्रीमियर स्टार गोल्ड १८ जूनला स्टार गोल्ड वर पाहायला मिळणार आहे.