Jawan Prevue Theme:  बॉलीवूड सुपरस्टार किंग खान हा सध्या त्याच्या जवान या चित्रपटामुळे चर्चेत आहे. काही दिवसांपुर्वीच या चित्रपटाचा प्रिव्ह्यू रिलीज करण्यात आला होता. हा प्रिव्ह्यू सध्या सोशल मडियावर व्हायरल झाला आहे.

या चित्रपटाच्या प्रिव्ह्यूमध्ये शाहरुख खानचे अनेक वेगळे लूक पाहायला मिळाले आहे. शाहरुख खानच्या पठाण चित्रपटावरुन वाद झाला मात्र त्याने बॉक्स ऑफिसवर तुफान कमाई करत इतिहास रचला होता. आता असचं काही तरी 'जवान' चित्रपटही करणार असा विश्वास शाहरुखच्या चाहत्यांना आहे.

'जवान' चित्रपटाच्या प्रिव्ह्यूला मिळालेल्या तुफान प्रतिसादानंतर आता जवान चित्रपटाची थीम प्रिव्ह्यूही रिलिज करण्यात आली आहे. हे गाणे सोशल मिडियावर रिलीज करण्यात आले आहे. हे एक रॅप गाणे आहे, ज्याचे संगीत अनिरुद्ध रविचंदर यांनी दिले आहे आणि गीते राजा कुमारी यांनी ते लिहिलं आहे.

'जवान' चित्रपट दिग्दर्शक अॅटली कुमारने या प्रिव्ह्यू गाण्याच्या थीमची झलक चाहत्यांसोबत शेअर केली आहे. ही थीम शेयर करत इंस्टाग्रामवर शेअर करत अॅटलीने लिहिले की, "जवान @iamsrk @gaurikhan @anirudhofficial @_gauravverma @redchilliesent #Jawan 7 सप्टेंबर रोजी हिंदी, तमिळ आणि तेलगूमध्ये जगभरात प्रदर्शित होणार."

यासोबतच त्याने पूर्ण गाणं कुठे ऐकता येईल याची लिंकही शेअर केली आहे. प्रिव्ह्यूप्रमाणेच त्याचे थीम साँगही चाहत्यांना प्रचंड आवडलं आहे.

चित्रपटाच्या स्टार कास्टमध्ये नयनतारा, सान्या मल्होत्रा, विजय सेतुपती आणि प्रियामणी यांचा समावेश आहे. दीपिका पदुकोण देखील चित्रपटात स्पेशल अपिअरन्समध्ये आहे. हा सिनेमा 7 सप्टेंबर रोजी हिंदी, तमिळ आणि तेलगू भाषेत रिलिज होणार आहे.

शाहरुखचा जवान हा चित्रपट हा रेड चिलीज एंटरटेनमेंट प्रेझेंटेशन आहे. ज्याचे दिग्दर्शन अॅटली यांनी केले असून गौरी खाननं निर्मात्या तर गौरव वर्मा सह-निर्मात्याच्या भूमिकेत आहे.

शाहरुखच्या पुढच्या चित्रपटाबद्दल बोलायचं झालं तर तो 'डंकी' चित्रपटातही दिसणार आहे. ज्याचे शुटिंग सध्या सुरु आहे. शाहरुख सलमान खानच्या 'टायगर 3' मध्येही कॅमिओ करणार अशा चर्चा आहेत. आता मात्र त्याचे चाहते त्याच्या 'जवान' चित्रपटासाठी खुपच उत्सुक आहेत.