शाहरुख खानचा चित्रपट सध्या प्रमोशन न करता चर्चेत आहे. पठाण चित्रपटाने चागलाचं दंगा केला आहे. मग बिकिनी वाद असो किंवा त्याचा रंग. त्यातच आता आसामचे मुख्यमंत्री हिमंत सरमांची प्रतिक्रियाही चर्चेत आली आहे. शाहरुख खान कोण आहे? त्याच्याबद्दल किंवा त्याच्या चित्रपटाबद्दल काहीच माहिती नाही असं त्यांनी एका पत्रकार परिषदेत सांगितलं.

याशिवाय शाहरुख खानने आपल्याला फोन केला नसल्याचेही त्यानी सांगितले. त्यांने फोन केल्यास प्रकरण गांभीर्याने घेत कारवाई केली जाईल. फोन केल्यास गुन्हाही नोंदवला जाईल, असेही त्यांनी सांगितले होते.

त्यांचे हे उत्तर सोशल मीडियावर चर्चेत आले, त्यावर नेटकऱ्यांनी नाराजी व्याक्त केली आणि त्यानंतर शाहरुखच्या चाहत्यांनी मुख्यमंत्र्याना ट्रोल केलं. दरम्यान, आता पुन्हा हिमंत सरमांनी शाहरुख बद्दल एक ट्विट केलं आहे. आता त्याची पुन्हा चर्चा सुरु झाली आहे.

आसामचे मुख्यमंत्री हिमंत सरमा यांनी ट्विट केले की, 'बॉलिवूड अभिनेता शाहरुख खानने मला पहाटे 2 वाजता फोन केला. आपल्या चित्रपटाच्या प्रदर्शनादरम्यान गुवाहाटीत घडलेल्या एका घटनेबद्दल त्यांनं चिंता व्यक्त केली आहे. यावर मी त्यांला आश्वासन दिले की कायदा व सुव्यवस्था राखणे हे राज्य सरकारचे कर्तव्य आहे. यावर आम्ही कारवाई करू आणि असा कोणताही अनुचित प्रकार घडणार नाही याची काळजी घेऊ.'

गेल्या काही दिवसात गुवाहाटीतील सिनेमागृहासमोर बजरंग दलाच्या कार्यकर्त्यांनी पठाण चित्रपटाच्या विरोधात निदर्शने केली. तेथे चित्रपटाचे पोस्टरही जाळण्यात आले. अलीकडे देशातील शहरांमध्ये पठाणांच्या विरोधात निदर्शने होत आहेत. अनेक नेत्यांनी वक्तव्येही केली आहेत. सिद्धार्थन आनंद दिग्दर्शित पठाण हा चित्रपट २५ जानेवारीला चित्रपटगृहात प्रदर्शित होणार आहे.