Shah Rukh Khan Pathaan : बॉलीवूडचा किंग खान शाहरुखचा पठाण या आठवड्यामध्ये प्रदर्शित होणार आहे. मात्र त्याचा वाद हा भलताच पेटला आहे. काही राज्यांनी तर या चित्रपटावर बहिष्कार घालण्याचा निर्णय घेतला आहे. त्यामध्ये उत्तर प्रदेश, गुजरात, आसाम या राज्यांचा समावेश आहे. आता एक मोठी बातमी समोर आली आहे.

बऱ्याच दिवसांपासून शाहरुखच्या पठाणवरुन वाद सुरु झाला आहे. त्यामध्ये अभिनेत्री दीपिकानं परिधान केलेली भगव्या रंगाची बिकीनी ही वादाचे कारण ठरली होती. त्याला धार्मिक आणि राजकीय रंग देण्याचे काम केले जात असल्याचे दिसून आले आहे. शाहरुखला तर अयोध्येतील एका महंतांनी जीवे मारण्याची धमकी दिली होती. त्यावरुन मोठा गदारोळ झाला होता.

Also Read - प्राप्तिकर उत्पन्न सवलत मर्यादा वाढणार?

मध्यप्रदेशातील गृहमंत्र्यांनी देखील शाहरुखच्या विरोधात भूमिका घेतली होती. हिंदू धर्माला जाणीवपूर्वक लक्ष्य करण्याचा प्रयत्न यानिमित्तानं केला गेल्याचे दिसून आले आहे. यासगळ्यात आसामचे मुख्यमंत्री हिमंत सरमांची प्रतिक्रिया वादाच्या भोवऱ्यात सापडली आहे. ती चर्चेतही आली आहे. पठाण प्रदर्शित होण्यासाठी अवघ्या तीन दिवसांचा कालावधी राहिला असताना त्यावरील वाद संपण्याचे काही नाव घेत नाही.

हिमंत सरमांचे ते विधान शाहरुखच्या चाहत्यांच्या मनाला लागले आहे. त्यांना एका पत्रकार परिषदेमध्ये विचारले की, पठाण या चित्रपटावर तुमचे म्हणणे काय आहे, त्यावर ते म्हणाले, मला शाहरुख खान कोण आहे हे पहिल्यांदा सांगा, त्यांचे हे उत्तर सोशल मीडियावर चर्चेत आले आहे. त्यावर नेटकऱ्यांनी देखील हिमंत यांना जशास तसे उत्तर दिले आहे.

एका नेटकऱ्यानं म्हटले आहे की, आसामच्या मुख्यमंत्र्यांचे जनरल नॉलेज बाकी भन्नाट आहे. त्यांना शाहरुख माहिती नाही म्हणजे काय, दुसऱ्यानं लिहिलं आहे की, तुम्ही त्या शाहरुखचा पार कचरा करुन टाकला आहे. हिमंत यांचे ते वक्तव्य सोशल मीडियावर नेटकऱ्यांचे लक्ष वेधून घेताना दिसत आहे.