मुंबई- बॉलीवूडवर कित्येक वर्षांपासून राज करणारे शाहरुख खान आणि सलमान खान सध्या आपापल्यापरिने कोरोना व्हायरसच्या संकटातून बचाव करण्यासाठी जनजागृती आणि मदतीचा हात पुढे करताना दिसत आहेत..याच कोरोना व्हायरसबाबत जागरुकता निर्माण करण्यासाठी सलमान खानने नुकतंच त्याचं युट्युब चॅनल लॉन्च करत त्यावर स्वतःच्या आवाजातलं प्यार करोना हे पहिलं गाणं पोस्ट केलं होतं..अनेकांनी सलमानच्या या गाण्याला चांगला प्रतिसाद दिल्यानंतर शाहरुखननेही यावर मजेशीर प्रतिक्रिया दिली आहे..

हे ही वाचा: लॉकडाऊननंतर 'पाखर' लघुपटाचं हॉलीवूडमध्ये स्क्रिनिंग, सोशल मिडियावर मिळतोय उदंड प्रतिसाद

आज शाहरुख खानने त्याच्या ट्वीटर अकाऊंटवरुन #AskSRK सेशन केलं..या दरम्यान त्याच्या चाहत्यांनी त्याला अनेक प्रश्न विचारले..यातील एका चाहत्याने शाहरुखला सलमानचं नुकतंच रिलीज झालेलं प्यार करोना गाणं पाहिलं का? असा प्रश्न विचारला..चाहत्याच्या या प्रश्नाचं उत्तर देत शाहरुखने लिहिलं, 'भाई कमाल सिंगल आणि सिंगर आहे'..शाहरुखच्या या कमेंटवरुन तरी त्याने हे गाणं पाहिल्याचं कळतंय..

शाहरुख त्याच्या या मजेशीर अंदाजासाठी चांगलाच प्रसिद्ध आहे..तो नेहमीच त्याच्या सहकलाकारांसोबत देखील सेटवर मजामस्ती करत असतो..आता शाहरुखची अशी कोपरखळी लगावणारी प्रतिक्रिया पाहिल्यानंतर भाईजान कसा रिऍक्ट होतोय याचीच सगळेजण आतुरतेने वाट पाहत आहेत..

'प्यार करोना' हे गाणं सलमान खान आणि हुसैन दलाल यांनी मिळून लिहिलेलं आहे तर याला संगीत साजिद वाजिद यांनी दिलं आहे.. सलमानने कोरोनो व्हायरसमुळे झालेल्या या लॉकडाऊनमध्ये घराबाहेर न पडता आपण आपला वेळ कोणकोणत्या प्रकारे योग्य मार्गी लावू शकतो हे स्वतःच्या आवाजात गाऊन सांगितलं आहे..यासोबतंच खासकरुन हा मिळालेला वेळ कुटुंबियांसोबत घालवण्याचा सल्लाही त्याने चाहत्यांना यातून दिला आहे..  

shah rukh khan reaction on salman khan song pyar karona