शाहरुख खानचा(Shahrukh Khan) 'मन्नत' (Mannat) बंगला हा गेली अनेक वर्ष चर्चेत आहे. अर्थात इथे चाहते त्यांच्या लाडक्या अभिनेत्याला पहायला नेहमी गर्दी करताना दिसतात. किंवा मग शाहरुख नसला तरी त्याच्या बंगल्याला भेट देणं म्हणजे त्यांच्यासाठी स्थलदर्शनही असतं. त्याच्यासोबत सेल्फी काढणं हा एक मोठा ध्यास असतो चाहत्यांचा. पण आता या बंगल्यासोबतच तिथे प्रवेशद्वारावर लावण्यात आलेली नवी नेमप्लेटही(Nameplate) चर्चेत आली अन् तिच्यासोबत सेल्फी काढणं हा चाहत्यांना एक छंदच जडून गेला. खरंतर 'मन्नत'च्या या नवीन युनिक नेमप्लेटविषयी शाहरुखच्या चाहत्यांनीच सोशल मीडियावर खबर दिली होती.

पण आता ही नेमप्लेट अचानक गायब(Missing) झाल्याची बातमी फोटोसाबत चाहत्यांनीच शेअर केली आहे. नेहमीप्रमाणे काही चाहते शाहरुखच्या बंगल्याच्या या नवीन युनिक नेमप्लेटसोबत फोटो काढायला गेले होते तेव्हा त्यांना ही नेमप्लेट गायब झाल्याचं कळालं अन् नाराज झालेल्या चाहत्यांनी थेट आपापल्या सोशल मीडिया अकाऊंटवर त्या नेमप्लेटच्या रिकाम्या जागेचा फोटोच शेअर केला आहे. अन् अनेकांना वाटलं की २५ लाखाची डायमंड बसवलेली ही नेमप्लेट कुणीतरी चोरली. पण आता या नेमप्लेटच्या गायब होण्यामागची नवी खबर कानावर पडत आहे.

म्हटलं जातंय की, या २५ लाखाच्या किमतीच्या नेमप्लेटमध्ये काही डायमंड बसवले होते. त्यातील काही डायमंड पडल्यानं त्याचा लूक बिघडला होता. म्हणूनच गौरी खानं जिनं स्वतः तिला डिझाईन करून घेतलं होतं तिनं ते डायमंड पुन्हा बसवून त्या नेमप्लेटची दुरुस्ती करुन घेण्यासाठी आपल्या स्टाफला ती नेमप्लेट काढण्याचे आदेश दिले होते. पण या नेमप्लेटच्या अशाप्रकारे गायब झाल्यामुळे सोशल मीडियावर चर्चा मात्र चांगलीच रंगली आहे.

सध्या शाहरुख अनेक कारणांमुळे चर्चेत आहे. नुकतीच त्याच्या लाडक्या आर्यनला मुंबई क्रुझ ड्रग्ज केस प्रकरणात क्लीनचिट मिळाली आहे. त्यामुळे एक बाप म्हणून त्याच्या डोक्यावरचं मोठं संकट टळलं आहे आणि झालेली नामुष्की थोडीशी का होईना पण भरुन निघेल अशी आशाही त्याला वाटू लागली असेल. त्यात त्याच्या धाकट्या मुलाचा अबरामचा २७ मे रोजी वाढदिवस होता आणि याच दिवशी दोन छान गोष्टी घडल्या त्यामुळे मन्नतमध्ये सेलिब्रेशन करण्यात आलं,जे चर्चेत होतं. पण आता या नेमप्लेटच्या गायब झाल्याच्या बातमीनंतर चाहत्यांच्या मनाला नवीन घोर लागून राहिला होता. तो आता कारण कळल्यामुळे काहीसा कमी होईल हे मात्र खरंय.