सोनी टी.व्हीवर येणारा 'तारक मेहता का उल्टा चष्मा'(Taarak Mehta Ka Ooltah Chashmah) ही मालिका सर्वांचीच आवडती मालिका आहे. मोठ्यांपासून लहानांपर्यंत सारेच या मालिकेचा आनंद घेताना दिसतात. या मालिकेत गेल्या १४ वर्षात कलाकारांमध्ये अनेक बदल झाले. काही खास व्यक्तिरेखा ज्या प्रसिद्ध झाल्या होत्या आणि त्या साकारणाऱ्या कलाकारांनी अचानक मालिका सोडल्यानंतर अद्यापही त्या जागेवर नव्या कलाकाराला घेतलं गेलेलं दिसून आलं नाही.

या शो चे सूत्रधार शैलेश लोढा(Shailesh Lodha) यांनी देखील दिलीप जोशींची साथ सोडून निर्माते आणि चाहत्यांना मोठा झटका दिला आहे. अर्थात त्यांना परत घेऊन येण्यासाठी असित मोदी यांनी खूप प्रयत्न केले पण त्याचा काही उपयोग झालेला दिसून आला नाही. शैलेश लोढा यांनी निर्मात्यांचा फोनही उचलला नाही अशी बातमी आहे. शैलेश लोढा म्हणजेच तारक मेहता या मालिकेत प्राण फुंकत असं अनेकजण म्हणतायत. मालिकेतील एक समदजदार व्यक्तिमत्त्व आणि अधून-मधून कविता म्हणत मनोरंजन करणारं ते एक सदाबहार व्यक्तिमत्त्व होतं. आता जाणून घेऊया तारक मेहता सारखी प्रसिद्ध मालिका सोडल्यानंतर शैलेश लोढा काय करत आहेत.

शैलेश लोढा १४ वर्षांनंतर 'तारक मेहता का उल्टा चष्मा' मालिकेची सोबत सोडल्यानंतर आता चाहत्यांसोबत थेट संवाद साधताना दिसत आहेत ते कवितांच्या माध्यमातून. शैलेश लोढा सध्या कवितांमधून लोकांचं मनोरंजन करण्याचे कार्यक्रम करताना दिसत आहेत. शैलेश लोढा यासंदर्भात इन्स्टाग्रामवर अपडेटही देत आहेत. त्यांनी यादरम्यान एक व्हिडीओ शेअर केला आहे ज्यामध्ये ते एका कॉर्पोरेट इव्हेंटला पोहोचले होते. पण कार्यक्रमामधून जसे ते बाहेर पडले तसं त्यांच्या चाहत्यांनी त्यांच्याभोवती गराडा घातलेला दिसून आला.

एका हिंदी वृत्त वाहिनीला मिळालेल्या बातमीनुसार शैलेश लोढा जून पासून शेमारू वाहिनीवर सुरू होणाऱ्या एका कार्यक्रमाचं निवेदन करणार आहेत. हा शो कवितांवर आधारित असणार आहे. या शो च्या माध्यमातून नव्या कवींसाठी प्लॅटफॉर्म देण्याचा प्रयत्न केला गेला आहे. शैलेश लोढा गेल्या एक आठवड्यापासून या शो चे शूटिंग करत आहेत. या शो चा प्रोमो देखील लवकरच लॉन्च केला जाणार आहे. यासंदर्भातले शूटिंगचे काही फोटो मात्र लीक झाले आहेत. जे आम्ही बातमीत जोडले आहेत.