कलर्स टीव्हीचा सर्वात प्रसिद्ध शो बिग बॉस आता शेवटच्या टप्प्यात आला आहे. शोचा ग्रँड फिनाले आज होणार आहे. 16व्या सिजमधील विजेत्याची घोषणाही अंतिम फेरीतच केली जाईल.

यापूर्वी, बॉलीवूड दिग्दर्शक आणि खतरों के खिलाडी शोचा होस्ट रोहित शेट्टी गेल्या शुक्रवारच्या भागात आला होता. रोहित त्याच्या शोचा पहिला स्पर्धक शोधण्यासाठी शोमध्ये गेला होता.

बिग बॉसच्या या सीझनच्या शेवटच्या शनिवारी रोहित शेट्टीने घरात उपस्थित स्पर्धकांना वेगवेगळी टास्क करायला लावली होती. अनेक टास्कनंतर रोहित शेट्टीने विजेत्याची घोषणा केली.

यामध्ये शालीन भानोतने सर्वांना आश्चर्यचकित केले आणि सर्वात लवकर टास्क पूर्ण केले. मात्र, जेव्हा रोहित शेट्टीने त्याला खतरों के खिलाडी या शोचा पहिला स्पर्धक बनवले तेव्हा त्याने नकार दिला.

शालीन भानोतने सांगितले की, मला रोहित शेट्टीसोबत त्याच्या चित्रपटात काम करायचे आहे. तो म्हणाला की मला खतरों के खिलाडीमध्ये जायचे नाही. मी हे टास्क मोठ्या उत्साहाने केले कारण मला तुमच्यासोबत चित्रपट करायचा आहे.

यावर रोहित शेट्टी म्हणाला की, चित्रपट नंतर करू, पहिले खतरों के खिलाडी. पण शालीनने रोहित शेट्टीसमोर शोमध्ये सहभागी होण्यास नकार दिला.

सलमान खानच्या या हिट टीव्ही शोमध्ये यावेळी पाच कॉन्स्टंट्स ग्रँड फिनालेमध्ये पोहोचले आहेत. यामध्ये शालीन भानोत, प्रियांका चहर चौधरी, एमसी स्टेन, शिव ठाकरे आणि अर्चना गौतम यांचा समावेश आहे.