म्युझिक अल्बम आणि चित्रपटांसोबतच काही मालिकांची शीर्षकगीतं रसिकांचं लक्ष वेधून घेतात. अनेकदा मालिका प्रेक्षकांचा निरोप घेतात पण वर्षानुवर्षे त्यांची शीर्षकगीतं प्रेक्षकांच्या ओठी तशीच असतात. मराठीतील अनेक मालिकांची शीर्षकगीतं आजवर गाजली. त्यातच आता आणखी एका शीर्षकगीताची भर पडली आहे. झी मराठी वाहिनीवर 'पाहिले न मी तुला' ही मालिका लवकरच प्रेक्षकांच्या भेटीला येणार आहे. मात्र त्यापूर्वी या मालिकेचं शीर्षकगीत सोशल मीडियावर प्रदर्शित करण्यात आलं आहे. अभिनेता शशांक केतकरने हा व्हिडीओ शेअर केला आहे.
या मालिकेचं शीर्षकगीत आनंदी जोशीने गायलं असून वैभव जोशींनी गीत लिहिलं आहे. तर समीर सप्तिस्कर यांनी संगीतबद्ध केलंय. सोशल मीडियावर या गाण्याला नेटकऱ्यांची पसंती मिळत असून अनेकांनी त्यावर कमेंट्स केल्या आहेत. झी मराठी वाहिनीने त्यांच्या सोशल मीडियावर हे गाणं कसं संगीतबद्ध झालंय, त्याचा व्हिडीओ पोस्ट केला आहे.
या मालिकेत शशांक केतकर पहिल्यांदाच नकारात्मक भूमिका साकारताना पाहायला मिळणार आहे. शशांकसोबत मालिकेत तन्वी मुंडले आणि आशय कुलकर्णी मुख्य भूमिका साकारत आहेत. शशांकने याआधी मालिकेचा प्रोमो शेअर करत, 'आता कदाचित मला शिव्या खायला तयार राहावं लागणार आहे', असं म्हटलं होतं. या भूमिकेबद्दल त्याने आदिनाथ कोठारे आणि उर्मिला कोठारे यांचे आभारही मानले होते. ही मालिका सोमवार ते शनिवार संध्याकाळी ७ वाजता झी मराठी वाहिनीवर प्रसारित होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.