Shilpa Tulaskar: शिल्पा तुळसकर हे नाव केवळ मराठी मालिका-सिनेमांपुरतं मर्यादित नसून एकेकाळी हिंदीत अधिक गाजलेलं हे नाव. शिल्पानं अनेक गाजलेल्या हिंदी मालिकांमधनं उल्लेखनीय व्यक्तिरेखा साकारल्या आहेत. मराठीतही तिनं मोजक्याच व्यक्तिरेखा साकारल्या पण त्या लोकांच्या डोक्यात आजही फिट बसल्या आहेत.

सध्या शिल्पा झी मराठीवरील 'तू तेव्हा तशी..' मालिकेत चाळीशीनंतरच्या लव्ह स्टोरीमधनं आपल्या भेटीस आली आहे. सोशल मीडियावर शिल्पा म्हणावी तशी सक्रिय नसली तरी अनेकदा ती आपल्याविषयीच्या महत्त्वाच्या अपडेट्स देताना दिसते कधी फोटो शेअर करतानाही दिसते.

आता शिल्पानं तिच्या इन्स्टा अकाउंटवर तिच्या नव्या सीरिजचा जो व्हिडीओ शेअर केलाय त्यानं मात्र खळबळ उडाली आहे.

शिल्पानं ६ डिसेंबर रोजी तिच्या आगामी 'हसरतें' सीरिजचा ट्रेलर शेअर केला आहे. मात्र तिच्या नव्या पोस्टनंतर सर्वांनाच शॉक बसला आहे. कारण या सीरिजचा संपूर्ण ट्रेलर इंटिमेट सीन्सनी खचाखच भरलेला आहे. 'हसरतें' ही सीरिज मनातील भावनांच्या संघर्षावर आधारित आहे. ५ वेगवेगळ्या कथा यात दाखवल्या आहेत. यातील एका कथेत शिल्पा आहे. अर्थात ट्रेलर शेअर करत शिल्पानं त्या सीरिजला समर्पक असं कॅप्शन देत,छोटीशी माहितीपू्र्ण नोटही लिहिली आहे. हसरतें ही सीरिज हंगामा वर १२ डिसेंबरला रीलिज होणार आहे.

शिल्पानं 'हसरतें' सीरिजचा ट्रेलर शेअर करत लिहिलं आहे,''हसरतें तो हर दिल में होती है, पर ज़माने की बंदिशों के सामने उन्हें पूरा करना गलत सा लगता है। पर ये ख्वाहिशें यूं ही नहीं होती, कुछ तो कहानी होती है हर हसरत के पीछे। देखिए हसरतों की इसी संघर्ष पे आधारित 5 दिलचस्प कहानियां।'' आता शिल्पाच्या चाहत्यांना उत्सुकता असणारच या सीरिजमध्ये नेमकं शिल्पाचं पात्र किती बोल्ड दाखवण्यात आलंय हे जाणून घेण्यासाठी.

शिल्पाच्या 'हसरतें' सीरिजचा ट्रेलर पाहून चाहते मात्र तिच्यावर भलतेच भडकलेयत. काहींनी तर चक्क 'शी....' म्हणत संताप व्यक्त केलाय. तर काहींनी या अशा भूमिका तू करू नकोस असा सल्ला अभिनेत्रीला दिला आहे.