बॉलिवूडचा (Bollywood) बादशाह शाहरुख खानच्या (Shahrukh Khan) कमबॅकची चाहते आतुरतेने वाट पाहत आहेत. शाहरुख खान बऱ्याच दिवसांपासून त्याच्या 'पठाण' (Pathan Movie) चित्रपटासाठी काम करतोय. मात्र अडथळे कमी होण्याचं नाव घेत नाहीयेत. आतापर्यंत अनेकदा वेगवेळ्या कारणांमुळे शाहरुख खानच्या 'पठाण'चे शूटींग पुढे ढकलण्यात आलं होतं. त्यानंतर आता पुन्हा एकदा तोच प्रकार घडला आहे.

पठाण चित्रपटांचं शुटींग आतापर्यंत वेगवेळ्या कारणांमुळे थांबलं आहे. आधी कोरोना व्हायरस, नंतर शाहरुख खानच्या वैयक्तिक आयुष्यातील समस्या आणि आता ओमिक्रॉन व्हेरीअंटच्या धोक्यामुळे 'पठाण'च्या शूटिंगमध्ये अडथळा आला आहे. शाहरुख खान 'पठाण' चित्रपटाचे शूटिंग स्पेनमध्ये करणार होता, ते आता होणार नाही. चित्रपटाशी संबंधित एका सूत्राने याबाबत माहिती दिली आहे.

यापूर्वी, ऑक्टोबरमध्येच स्पेनमध्ये शूटींग होणार होते. इथे चित्रपटाची दोन गाणी आणि काही अॅक्शन सीन्स चित्रित होणार होते. मात्र तसं झाले नाही, कारण शाहरुख खानचा मुलगा आर्यन खान ड्रग्ज प्रकरणात अडकल्यामुळे तो ब्रेकवर होता. आता आम्ही जानेवारीत शुटींग करण्याचं ठरवलं होतं, मात्र स्पेनमध्ये सर्वाधिक कोविड-19 रुग्ण असल्यानं शुटींग पुढे ढकलण्यात आलं आहे. त्यामुळे आता शाहरुख खानच्या चाहत्यांना आणखी काही काळ वाट पाहावी लागणार आहे.