Shruti Sinha News: डिसेंबर महिन्यात कॉलेजमध्ये विविध फेस्टिव्हलचं आयोजन केलं जातं. या फेस्टिव्हलमध्ये विविध सेलिब्रिटींना बोलावलं जातं. मुंबईतील अशाच एका कॉलेजमध्ये एक विचित्र प्रकार उघडकीस आलाय.

मुंबईतील एका कॉलेजमध्ये अभिनेत्री श्रुती सिन्हा तिच्या आगामी शोचं प्रमोशन करायला गेली होती. तिथे श्रुतीला तिच्या कपड्यांमुळे अडवण्यात आलं. त्यामुळे संतापत अभिनेत्री कार्यक्रमातून निघून गेली. काय घडला नेमका प्रकार? जाणून घ्या.

शिक्षकांनी केली अभिनेत्रीची निवडणूक

विरल भयानीने दिलेल्या बातमीनुसार, नुकतीच श्रुती सिन्हा मुंबईतील रामनारायण रुईया कॉलेजमध्ये तिच्या नवीन शोच्या प्रमोशनसाठी फेस्टमध्ये गेली होती. कॉलेजच्या नियमानुसार, श्रुतीचा ड्रेस योग्य नसल्यामुळे तिला शिक्षकांनी अडवलं. त्यामुळे तिने फेस्टमध्ये सहभागी होण्यास नकार दिला आणि तिथून परत आली.

कॉलेजने ठरवलेला ड्रेसकोड पण...

श्रुती सिन्हा जेव्हा कॉलेजमध्ये गेली तेव्हा शिक्षकांना तिचा पेहराव आवडला नाही. यावेळी 'गंगूबाई काठियावाडी' फेम अभिनेता शंतनू माहेश्वरी सुद्धा तिच्यासोबत कॉलेज फेस्टमध्ये सहभागी होता. हे दोघे त्यांच्या आगामी शोचं प्रमोशन करायला गेले होते. कॉलेजने फेस्टिव्हलसाठी एक ड्रेस कोड ठरवला होता. पण त्याबद्दल श्रुतीला अजिबात कल्पना देण्यात आली नव्हती. आणि जेव्हा तिची अडवणूक करण्यात आली तेव्हा तिने फेस्टिव्हलमध्ये न जाण्याचा निर्णय घेऊन तिथून ती बाहेर आली.

या सर्व प्रकाराबद्दल श्रुतीची प्रतिक्रिया काय?

या सर्व प्रकाराबद्दल श्रुती म्हणाली, "मी रुईया कॉलेजमध्ये फेस्टिव्हलला भाग होण्यासाठी गेली होती. तेव्हा तेथील शिक्षकांनी अत्यंत उद्धट वागणुक देत माझ्या माझ्या कपड्यांबद्दल आक्षेप घेतला. त्यांच्या दृष्टीकोनातून मी परिधान केलेले कपडे विचित्र असल्याने त्यांनी ते कव्हर करायला सांगितले. त्याच्या या वागण्यामुळे त्या कॉलेजमधून बाहेर जाण्याचा निर्णय घेतला."

या प्रकाराबद्दल अनेकांनी श्रृतीच्या निर्णयाचं कौतुक केलं आहे.