आयुषमान खुराना नेहमीच हटके चित्रपट करताना दिसतो. 2017 मध्ये आलेला त्याच्या 'शुभमंगल सावधान' या चित्रपटाने प्रचंड लोकप्रियता मिळवली आहे. आता पुन्हा एकदा तो 'शुभमंगल ज्यादा सावधान' हा चित्रपट घेऊन येत आहे. या चित्रपटाचा ट्रेलर आजा रिलीज झाला आणि चित्रपटाच्या विषयामुळेच हा ट्रेलर क्षणार्धात सोशल मीडियावर व्हायरल झाला. 

ताज्या बातम्यांसाठी डाऊनलोड करा ई-सकाळचे ऍप

वेगवेगळ्या धाटणीच्या भूमिका आपल्या तगड्या अभिनयाने उठावदार करणाऱ्या आयुषमानने 'शुभमंगल ज्यादा सावधान' या चित्रपटात पुन्हा एकदा हटके भूमिका केली आहे. समलैंगिक संबंधांवर भाष्य करणारा या चित्रपटात आयुषमान खुराना आणि जीतू के हे दोघं 'गे' दाखवले आहेत. त्यांचं दोघांचं एकमेकांवर प्रेम असतं आणि लग्न करण्यासाठी ते आपापल्या कुटूंबियांची परवानगी घ्यायला जातात. पण घरच्यांना हे कदापी मान्य नसतं. या सर्व गोंधळात घडणारे प्रसंग, प्रेमासाठीचा संघर्ष आणि लग्नाचे प्रयत्न याची गोष्ट सांगणारा हा चित्रपट आहे. विनोदी संवाद आणि सर्वच कलाकारांचा दर्जेदार अभिनय व हटके कथानक यामुळे हा चित्रपट बॉक्स ऑफिसवर धूम करेल.

'तानाजी'बाबत सैफ अली खाननेच घेतला आक्षेप, म्हणाला...

आयुषमान, जीतूसह नीना गुप्ता, गजराज राव, मानुश्री चढ्ढा, सुनिता राजवर, मानवी गर्गू ही स्टारकास्ट चित्रपटात असेल. 21 फेब्रुवारीला हा चित्रपट रिलीज हाईल. या चित्रपटाचे लेखक व दिग्दर्शक हितेश केवल्य हे आहेत.