प्रसिद्ध टेलिव्हिजन अभिनेत्री श्वेता तिवारी (Shweta Tiwari) तिच्या सौंदर्य आणि अभिनयामुळे चर्चेत असते. मात्र यावेळी ती एका वादग्रस्त वक्तव्यामुळे चर्चेत आली आहे. "माझ्या ब्रा ची साईज देवच घेत आहेत", असं अजब वक्तव्य श्वेताने एका पत्रकार परिषदेत केलं. तिच्या या वक्तव्यावरून वाद निर्माण झाला असून मध्य प्रदेशचे गृहमंत्री नरोत्तम मिश्रा यांनी कठोर भूमिका घेतली आहे. अशा पद्धतीचं वक्तव्य हे खपवून घेतलं जाणार नाही, असं गृहमंत्री म्हणाले. (Shweta Tiwari Statement on Her Bra Size)

"श्वेता तिवारी यांचं वक्तव्य अत्यंत आक्षेपार्ह आहे. भोपाळ पोलीस आयुक्तांना या प्रकरणाची चौकशी करून २४ तासांत अहवाल देण्यास सांगण्यात आलं आहे. ही बाब खपवून घेतली जाणार नाही," असं गृहमंत्री म्हणाले. श्वेता तिवारी लवकरच एका वेब सीरिजमधून प्रेक्षकांच्या भेटीला येणार आहे. याच वेब सीरिजच्या प्रमोशननिमित्त ती भोपाळला गेली होती. श्वेता तिच्या टीमसोबत पत्रकार परिषदेत आली होती. यावेळी माध्यमांशी संवाद साधताना श्वेता म्हणाली की, देव माझ्या ब्राचा आकार घेत आहे. तिचा हा व्हिडिओ सोशल मीडियावर मोठ्या प्रमाणात व्हायरल होत आहे. (Shweta Tiwari News Updates)

श्वेता ज्या वेब सीरिजच्या प्रमोशनसाठी भोपाळला पोहोचली होती, ती सीरिज फॅशनशी संबंधित असल्याचं सांगितलं जात आहे. प्रसारमाध्यमांशी संवाद साधताना तिने हे विधान गमतीने केलं. तिच्या वक्तव्याचा हा क्लिप सोशल मीडियावर व्हायरल होत असून लोकांनी श्वेतावर प्रचंड संताप व्यक्त केला आहे. श्वेताने असं वक्तव्य करून लोकांच्या भावना दुखावल्याचं अनेकांचं म्हणणं आहे.