Sia Chip Thrills Song Singer Married Dan Bernard : जगभरामध्ये ज्या गाण्यानं चाहत्यांना वेडं केलं त्या चीप थ्रिल्स गाण्याची गायिका सिया ही मोठी सेलिब्रेटी आहे. तिनं चाहत्यांना गोड बातमी दिली आहे. सियाचे लग्न झाल्याची बातमी वाऱ्यासारखी सगळीकडे पसरली आहे. तिच्या कोट्यवधी चाहत्यांनी तिच्यावर कौतूकाचा वर्षाव केला आहे.

सिया ही तिच्या चीप थ्रिल्स गाण्यानं जगप्रसिद्ध झाली. तिचं हे गाणं जगातील कोणत्याही देशात कोणत्या ना कोणत्या वेळी वाजतचं असतं असं म्हटलं जातं. इतकी त्या गाण्याची लोकप्रियता आहे. सियाच्या लग्नाची बातमी ऐकताच चाहत्यांना कमालीचा आनंद झाला आहे. गेल्या काही दिवसांपासून सियाच्या अफेयर आणि लग्नाच्या बातम्या सोशल मीडियावर व्हायरल झाल्या होत्या.

Also Read - Fatty Liver Disease: संतुलित आहारातून रोखा फॅटी लिव्हरचा आजार

सियानं डॅन बनार्डशी लग्न केलं आहे. इटालियन रितीरिवाजाप्रमाणे तिचा विवाहसोहळा पार पडला असून त्याला मनोरंजन आणि संगीत विश्वातील विविध सेलिब्रेटी हजर होते. सियानं तिच्या सोशल मीडिया अकाउंटवरुन काही फोटो शेयर केले आहेत. पिंक रंगाच्या ड्रेसमध्ये सिया भलतीच सुंदर दिसत आहे. तर बनार्डनं परिधान केलेला ब्ल्यु सूट यात तो देखणा दिसत आहे.

गेल्या दोन दिवसांपासून सिया आणि बनार्ड हे एकमेकांना डेट करत होते. त्यांच्या लग्नाविषयीच्या काही बातम्यांना सोशल मीडियावरुन व्हायरल झाल्या होत्या. त्यातच चाहत्यांना आपली आवडती गायिका ही विवाहबंधनात अडकणार असल्याचे कळताच चाहत्यांना कमालीचा आनंदही झाला आहे. सियानं देखील चाहत्यांच्या कौतूकाचा स्विकार करुन त्यांचे आभार मानले आहेत.

ब्रिटिश गायिका सियाची गाणी ही नेहमीच चाहत्यांच्या चर्चेचा विषय राहिले आहेत. त्यामुळे सियानं वेगळी ओळख निर्माण केली आहे. मात्र यासगळ्यात तिचे चीप थ्रिल्स नावाचे गाणे चाहत्यांच्या कायम मनात राहिले. भारतामध्ये देखील या गाण्याचा चाहतावर्ग मोठा असल्याचे दिसून आले आहे.