अभिनेता सिद्धार्थ चांदेकर व अभिनेत्री सखी गोखले यांची नवी कोरी जोडी प्रेक्षकांना आगामी 'बेफाम' या चित्रपटात पाहायला मिळणार आहे. यश आणि अपयशाचे समीकरण मांडणाऱ्या या चित्रपटाचा ट्रेलर एक वेगळाच प्रवास दर्शवितो. याच्याच जोडीला प्रेमाच्या नात्याचे पदर उलगडणारे आणि प्रेमाच्या जगातील भावनांच्या हिंदोळ्यावर सफर घडविणाऱ्या प्रेमगीतांचा वर्षाव या चित्रपटात पाहायला मिळणार आहे. रोमॅंटिक गाण्यांसह चित्रपटाचा ट्रेलर प्रेक्षकांच्या भेटीस येण्यास सज्ज झाला आहे.
या चित्रपटात सखी एका आरजेच्या भूमिकेत आहे. तर सिद्धार्थ त्याच्या करिअरची निवड करण्यात गोंधळलेला तरुण आहे. आई-वडिलांच्या इच्छेखातर क्षेत्र निवडावं की आपल्याला आवडेल त्या क्षेत्रात करिअर करावं या विवंचनेत सापडलेल्या सिद्धार्थच्या आयुष्यात पुढे काय घडतं, ते या चित्रपटात प्रेक्षकांना पाहायला मिळणार आहे.
‘अमोल कागणे फिल्म्स’ प्रस्तुत व अमोल कागणे निर्मित या चित्रपटाचं दिग्दर्शनक कृष्णा कांबळे यांनी केलं आहे. सिद्धार्थ आणि सखीसह या चित्रपटात अभिनेते विद्याधर जोशी, शशांक शेंडे, कमलेश सावंत, महादेव अभ्यंकर, नचिकेत पर्णपुत्रे आणि अभिनेत्री सीमा देशमुख यांचं उत्तम अभिनय पाहायला मिळणार आहे. येत्या २६ फेब्रुवारी २०२१ रोजी हा चित्रपट महाराष्ट्रभर प्रदर्शित होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.