मराठीतील सर्वांत चर्चेत असलेली जोडी म्हणजे अभिनेता सिद्धार्थ चांदेकर व अभिनेत्री मिताली मयेकर. २४ जानेवारी २०२१ रोजी या दोघांनी लग्नगाठ बांधली. लग्नाला एक महिना पूर्ण झाल्यानिमित सिद्धार्थ व मितालीने सोशल मीडियावर फोटो पोस्ट करत एकमेकांना शुभेच्छा दिल्या. दोघांनी सुरुवातीला आपल्या रिलेशनशिपला सर्वांपासून लपवलं होतं. मात्र जेव्हा सिद्धार्थने मितालीने प्रपोज केलं, तेव्हा दोघांनीही सोशल मीडियावर रिलेशनशिप जाहीर केलं. या दोघांची लव्हस्टोरीसुद्धा खूप रंजक आहे.
एका मालिकेच्या सेटवर या दोघांची पहिल्यांदा भेट झाली. या भेटीत हळूहळू मैत्रीत रुपांतर झालं. २०१७ मध्ये सिद्धार्थने मितालीच्या वाढदिवसानिमित्त एका सरप्राइज पार्टीचं आयोजन केलं होतं. या पार्टीला मिताली व सिद्धार्थचे जवळचे मित्रमैत्रिणी उपस्थित होते. त्यांच्यासमोर सिद्धार्थने मितालीला लग्नाची अंगठी देत आपल्या प्रेमभावना व्यक्त केल्या. मितालीने होकार कळवताच दोघांनीही सोशल मीडियावर एकमेकांसोबतचे फोटो पोस्ट केले.
काही महिने एकमेकांना डेट केल्यानंतर या दोघांनी लिव्ह इन रिलेशनशिपमध्ये राहण्याचा निर्णय घेतला. जवळपास दोन वर्ष हे दोघं लिव्ह इनमध्ये राहिले. २०१९ मध्ये या दोघांचा साखरपुडा पार पडला. या साखरपुड्याचे फोटो सोशल मीडियावर तुफान व्हायरल झाले होते. २०२० मध्येच ही जोडी लग्नबंधनात अडकणार होती. मात्र करोना महामारी व लॉकडाउनमुळे लग्नाची तारीख पुढे ढकलण्यात आली. सिद्धार्थ-मितालीच्या केळवणापासून, हळद, संगीत ते अगदी लग्नसोहळ्यापर्यंतचे बरेच फोटो सोशल मीडियावर व्हायरल झाले. मिताली सध्या झी मराठी वाहिनीवरील 'लाडाची मी लेक गं' या मालिकेत भूमिका साकारत आहे. तर सिद्धार्थ 'सांग तू आहेस का' या मालिकेत मुख्य भूमिकेत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.