पाकिस्तानी अभिनेता आणि गायक अली जफरविरोधात पाकिस्तानी गायक मीशा शफीने लैंगिक गैरवर्तणुकीचे आरोप केले होते. मीशाच्या या आरोपांनंतर अलीवर सर्व स्तरांतून टीका झाली होती. नंतर तिच्याविरोधात अलीने अब्रुनुकसानीचा दावा ठोकला होता. आता या प्रकरणी अलीला न्यायालयाकडून मोठा दिलासा मिळाला आहे. अलीविरोधात #MeToo चे आरोप करणाऱ्या गायिका मीशाला तीन वर्षांच्या तुरुंगवासाची शिक्षा ठोठावली आहे.
नेमकं काय आहे प्रकरण?
एप्रिल २०१८ मध्ये पाकिस्तानी गायिका मीशा शफीने अली जफरविरोधात लैंगिक अत्याचाराचे आरोप केले होते. मीशाने याविषयी सोशल मीडियावर पोस्ट लिहिली होती. मात्र मीशाने केलेले आरोप फेटाळून लावत अलीने तिच्यावर १०० कोटी रुपयांचा अब्रुनुकसानीचा दावा ठोकला होता. "माझ्यावरील आरोप खोटे असून मीशाने त्याबद्दल जाहीर माफी मागावी", असं अलीने म्हटलं होतं.
मुलाखती अली जफरला कोसळलं होतं रडू
आपल्याविरोधातील आरोपांवर बोलताना अली जफरला एका मुलाखतीत रडू कोसळलं होतं. "मीशा असं का करतेय हे मला माहित नाही. तिने केलेल्या आरोपांमुळे फक्त मलाच नाही तर माझ्या कुटुंबीयांनाही त्रास सहन करावा लागतोय. गेल्या वर्षभरात मी आरोपांवर चकार शब्दही काढला नव्हता. कारण कायदेशीर पद्धतीने मला हे प्रकरण हाताळायचं होतं. पण माझं करिअर उध्वस्त करण्याचा प्रयत्न केला जातोय. आता मी शांत बसणार नाही", असं बोलताना अलीला अश्रू अनावर झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.