मुंबई ः हिंदी चित्रपटसृष्टीत हाऊसफुल, गोलमाल आणि धूम या चित्रपटांच्या फ्रॅचाईझीनी सर्व पिढ्यांना आकर्षित केले. यातील धूम या चित्रपटाची निर्मिती केली आदित्य चोप्रा यांनी आणि धूमची सीरीज लिहिली विजय कृष्ण आचार्य यांनी. पहिल्या आणि दुसऱ्या धूमसाठी विजय यांनी लेखन केले आणि आमीर खानने काम केलेल्या धूम 3 चे दिग्दर्शन त्यांनी केले. कलाकारांचा दमदार अभिनय आणि डोळ्यांचे पारणे फेडणारे अॅक्शन सीन्स यामुळे धूमची ही सीरीज प्रेक्षकांना कमालीची भावली.

मुंबई पोलिसांची 'दिशा' कोणी बदलली? सुशांतसिंह प्रकरणी नाईटलाईफ संस्कृतीच्या पुरस्कर्त्या नेत्यावर गंभीर टीका

आता या सीरीजला सोळा वर्षे पूर्ण होत आहेत. विजय कृष्ण आचार्य म्हणाले, की पटकथेच्या पातळीवरच आम्हाला विश्वास होता की धूम हा मनोरंजक सिनेमा असणार आहे  प्रत्येक सिनेमा आधी एक सर्जनशील प्रयत्न असतो आणि व्यवहार हे त्यातून येणारे बायप्रोडक्ट आहे. पण, या सिनेमाला (पहिला धूम) मिळालेला प्रतिसाद पाहून आम्हाला आश्चर्याचा, आनंदाचा धक्का बसला होता. धूमचं जग अँटी-हिरोचं आहे. पारंपरिक पद्धतीच्या खलनायकाचं नाही. पहिल्या धूममध्ये हा अँटी-हिरो बंडखोर होता. तो चोर असला तरी त्याचं एकूण व्यक्तीमत्त्व बंडखोराचं होतं. तारुण्याचा उत्साह, बाईक्स, एनर्जी... हे सगळं ठरवून केलेलं नव्हतं. ते सगळं आपोआप येत गेलं...

रिया म्हणाली होती सुशांतला विमानात भिती वाटायची, अंकिता लोखंडेने सुशांतचाच तो व्हिडिओ शेअर करत दिलं सडेतोड उत्तर - 

वाढलेल्या अपेक्षांमुळे दिग्दर्शन करणे हा आनंद होता आणि ताणही होता असेही ते म्हणाले. त्यांनी पुढे सांगितले, की  "फिल्ममेकिंग हा आनंद आणि ताण यांचा कधी छान तर कधी त्रासदायक मेळ असतो. सर्व धोकादायक गोष्टींमध्ये एक अनोखे साहस आणि आकर्षण यांचा मेळ असतो. इथेही अगदी तसेच असते. धूम:2 ची पटकथा लिहीत असताना आदि (निर्माता आदित्य चोप्रा) एकदा म्हणाला होता की आपण फक्त फ्रँचाईझी करायची म्हणून धूम बनवू नये. हा सिनेमा धूम असो किंवा नसो... आपण कोणत्याही परिस्थितीत तो बनवलाच असता, असं वाटत असेल तरच तो बनवायचा. मला वाटतं अजून तरी मी या तत्वाशी प्रामाणिक आहे."

-------------------------------------------------------

( संपादन - तुषार सोनवणे )