प्रसिद्ध अभिनेत्री आणि फॅशन आयकॉन सोनम कपूर लवकरच आई होणार आहे. तिने नवरा आनंद अहुजाबरोबर सोशल मीडियावर फोटो आणि पोस्ट शेअर करत ती लवकरच आई होणार असल्याचे जाहीर केले आहे. सोनम कपूरने इंस्टाग्रामवर फोटो शेअर करताना आई होण्याचा आनंद उपभोगणार असल्याचे म्हटले आहे. या बातमीने कपूर कुटूंबात आनंदाचे वातावरण पाहायला मिळत आहे.

तिचे आणि आनंद अहुजाचे लग्न २०१८ साली झाले होते. या लग्नाला बॉलिवूडच्या सर्व सेलिब्रिटींनी हजेरी लावली होती. आता तिच्या या गुड न्यूजमुळे अनेकांना आनंद झाला आहे. सोनमने पोस्ट शेअर करताना म्हटले की, आम्ही दोघं, हृदयापासून तुम्हाला शक्य तितके चांगले वाढविण्यासाठी प्रयत्न करू. आमचे प्रत्येक पाऊनल तुमच्याशी एकरूप होईल. आपले एक कुटुंब असेल. कुटूंबातले सगळेच तुमच्यावर प्रेमाच वर्षाव करतील. आम्ही तुमचे स्वागत करण्यासाठी वाट पाहत आहोत... अशी पोस्ट लिहीत तिने तिची गुड न्यूज चाहत्यांना दिली आहे. ही पोस्ट टाकल्यावर चाहत्यांनी आनंद आणि सोनमवर अभिनंदनाचा वर्षाव केला आहे.