Hijab News: कर्नाटकातील हिजाब वाद (Karnatak Hijab Controversy) हा दिवसेंदिवस वाढत चालला आहे. गेल्या तीन दिवसांपासून हिजाबच्या वादानं देशातील वातावरण ढवळून काढले आहे. एका शाळकरी विद्यार्थीनीच्या व्हिडिओनं (Viral Video) साऱ्यांचे लक्ष वेधून घेतले होते. त्यावर वेगवेगळ्या बॉलीवूड सेलिब्रेटींनी (Bollywood Celebrity) प्रतिक्रिया दिल्या आहेत. यापूर्वी दाक्षिणात्य सेलिब्रेटी कमल हसन, अभिनेत्री स्वरा भास्कर, रिचा चढ्ढा, कंगना रनौत, शबाना आझमी यांनी या घटनेवर प्रतिक्रिया दिली आहे. दरम्यान बॉलीवूडचे गीतकार जावेद अख्तर यांनी देखील हिजाबवर दिलेल्या प्रतिक्रियेची चर्चा आहे.

आता बॉलीवूडचे प्रसिद्ध अभिनेते अनिल कपूर यांची मुलगी अभिनेत्री सोनम कपूरनं इंस्टावरुन एक फोटोही शेयर केला आहे. त्या फोटोमध्ये एक पगडी घातलेला आणि दुसऱ्या फोटोमध्ये हिजाब परिधान केलेली महिला दिसत आहे. त्यावरुन सोनमनं आपली परखड प्रतिक्रिया दिली आहे. वादग्रस्त प्रतिक्रिया देणे, जे आहे त्याविषयी ठाम भूमिका घेणे यासाठी सोनम कपूरचं नाव घ्यावे लागेल. जर पगडी चालते तर हिजाब का नाही....असा प्रश्न सोनमनं विचारला आहे. त्यामुळे तिच्यावर नेटकऱ्यांनी टीका केली आहे. सोनम सध्या लंडनमध्ये असून तिच्यापर्यत देशातील सध्याच्या परिस्थितीविषयीचे अपडेट्स गेले आहेत.

देशामध्ये सध्या हिजाबवरुन वाद सुरु झाला आहे. अशावेळी बॉलीवूडमध्ये दोन गट पडल्याचे दिसून आले आहे. त्यात काही सेलिब्रेटींनी हिजाबचं समर्थन केलं आहे तर काहींनी तो नसावा अशी भूमिका घेतली आहे. यापूर्वी बॉलीवूडची क्वीन कंगनानं देखील आक्रमक भूमिका घेतल्याचे दिसून आले आहे. आपण स्वताला बंधनातून मुक्त करायला शिकलं पाहिजे. बंधनात अडकून ठेवता कामा नये. असं कंगना म्हणाली होती. त्यावरुन तिच्यावरही नेटकऱ्यांनी सडकून टीका केली होती. कर्नाटकातील प्रकरणाची उच्च न्यायालयानं दखल घेतली असून त्यांनी भारतीय संविधानाचा आधार घेतला आहे.