अभिनेता सोनू सूदला कोरोनाची लागण झाली आहे. सोनू सूदने सोशल मीडियावर पोस्ट लिहित याबद्दलची माहिती दिली. लॉकडाउनच्या काळात सोनूने गरीब मजूर आणि कामगारांची घरी जाण्यात मदत केली होती. त्यानंतरही विविध माध्यमांतून लोकांची मदत करत आहे. आता सोनू सूदला कोरोना झाल्याचं कळताच चाहत्यांनी त्याला इतरांसोबतच स्वत:चीही काळजी घेण्यास सांगितलं आहे.
सोनू सूदची पोस्ट
'आज सकाळी माझ्या कोरोना चाचणीचा रिपोर्ट पॉझिटिव्ह आला. मी स्वत:ला आधीच क्वारंटाइन करून घेतलं असून योग्य ती काळजी घेत आहे. पण काळजी करू नका, यामुळे मला तुमच्या समस्या सोडवण्यासाठी भरपूर वेळ मिळणार आहे. तुम्हा सर्वांच्या मदतीसाठी मी नेहमीच असेन हे लक्षात ठेवा', अशी पोस्ट त्याने लिहिली. त्याच्या या पोस्टवर अनेकांनी कमेंट करत त्याला काळजी घेण्याचं आवाहन केलं आहे.
लॉकडाउनच्या काळात गरीब मजुरांसाठी आणि कामगारांसाठी सोनू सूद 'देवदूत' बनून आला होता. काम आणि पैसा नसलेल्या गरीबांना त्याने सुखरुप त्यांच्या घरी पोहोचवण्याचं काम त्याने केलं होतं. परोपकाराचं हे काम त्याने अजूनही सुरू ठेवलं असून विविध प्रकारे तो गरजूंची मदत करत आहे.
हेही वाचा : कोरोना चाचणी करावी लागू नये म्हणून रेल्वे स्थानकाबाहेर लोकांची पळापळ
राज्यात गेल्या २४ तासांत कोरोनाचे ६३,७२९ नवे रुग्ण आढळले. दैनंदिन रुग्णसंख्येचा हा आतापर्यंतचा उच्चांक आहे. याच काळात ३९८ कोरोनाबाधितांचा मृत्यू झाला. राज्यात सध्या ६ लाख ३८ हजार उपचाराधीन रुग्ण आहेत. त्यात सर्वाधिक १ लाख १६ हजार रुग्ण हे पुणे जिल्ह्यातील आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.