'RRR', 'Bahubuali' आणि अधिक सारख्या लार्जर-दॅन-लाइफ चित्रपटांसह प्रेक्षकांना मंत्रमुग्ध केल्यानंतर, चित्रपट निर्माते SS राजामौली आणखी एक भव्यदिव्य चित्रपट सादर करण्यासाठी सज्ज आहेत.

दिग्दर्शक एस एस राजामौली भारतीय चित्रपटाची कथा सांगणारा चित्रपट सादर करण्याच्या दिशेने काम करत आहे.

'मेड इन इंडिया' असं या सिनेमाचं नाव असुन हा एक बायोपीक असणार आहे. या बायोपिकची निर्मिती राजामौली यांचा मुलगा एसएस कार्तिकेय आणि वरुण गुप्ता यांनी केली आहे. या बायोपिकचे दिग्दर्शन नितीन कक्कर करणार आहेत.

राम चरण आणि ज्युनियर NTR च्या 'RRR' च्या जबरदस्त यशानंतर, SS राजामौली आणखी एक उत्कृष्ट सिनेमा घेऊन येणार आहेत. डेडलाइनच्या अहवालानुसार, चित्रपट निर्माता ‘भारतीय चित्रपटाचा जन्म आणि उदय’ ही कथा सिनेमाच्या माध्यमातुन सांगण्यास उत्सुक आहे.

राजामौली यांच्या प्रतिनिधीच्या मते, हा चित्रपट सुद्धा भव्यदिव्य असणार यात शंका नाही. राजामौली यांचा चित्रपट दिग्दर्शित करण्याचा कोणताही विचार नाही. ते या सिनेमाच्या निर्मितीची धुरा सांभाळणार आहेत.

राजामौली यांनी काल सस्पेन्स आणि हाईप तयार केला होता. एस एस राजामौली यांनी ट्विटरवर व्हिडिओसह घोषणा केली. "जेव्हा मी पहिल्यांदा सिनेमाची कथा ऐकली, तेव्हा ही कथा ऐकून मी भावुक झालो. बायोपिक बनवणे खूप कठीण काम आहे. परंतु भारतीय सिनेमाच्या पितामहाची गोष्ट सिनेमाच्या माध्यमातून सर्वांना दाखवणं हे आव्हानात्मक आहे. परंतु आमची टीम त्यासाठी तयार आहेत. मेड इन इंडियाची घोषणा करताना अपार अभिमान वाटतोय” त्यांनी ट्विट केले.