Aai Kuthe Kay Karte 1000 episode Celebration Esakal
मनोरंजन

Aai Kuthe Kay Karte: “श्रद्धा आणि सबुरी”! ‘आई कुठे काय करते’ मालिकेचे 1000 एपिसोड पुर्ण, मिलिंद गवळी यांची पोस्ट व्हायरल

Vaishali Patil

Aai Kuthe Kay Karte 1000 episode Celebration: मराठी मनोरंजन विश्वातील लोकप्रिय मालिका 'आई कुठे काय करते' प्रेक्षकांच्या चांगल्याच पसंतीस उतरली आहे. मालिकेतील सर्वच व्यक्तिरेखांना प्रेक्षकांनी डोक्यावर घेतलंय.

गेल्या ३ वर्षापासून ही मालिका प्रेक्षकांचं मनोरंजन करत आहे. आई कुठे काय करते मालिकेवर प्रेक्षकांनी भरभरून प्रेम केलंय आणि आजही मालिका तितकिच लोकप्रिय आहे. आई कुठे काय करते मालिकेचा 1000 वा भाग काही दिवसांपुर्वी प्रदर्शित झाला. 7 डिसेंबर 2019 मालिकेचा पहिला भाग प्रदर्शित झाला होता.

तेव्हा पासून ही मालिका प्रेक्षकांच्या मनावर राज्य करत टीआरपीच्या लिस्टमध्ये पहिल्या तीन स्थानावर ठाण मांडून बसली आहे.

'आई कुठे काय करते' मालिकेचे 1000 भाग पुर्ण झाल्याचा आनंद मालिकेच्या टिमने साजरा केला. मालिकेच्या टिमने यावेळी केक कापुन सेलिब्रेशन केलं. मालिकेत अनिरुद्धची भुमिका साकारणारे अभिनेते मिलिंद गवळी यांनी या सेलिब्रेशनचा एक व्हिडिओ सोशल मीडियावर शेयर केला आहे. त्यासोबत एक पोस्टही टाकली आहे.

या पोस्टमध्ये ते लिहितात, 'श्रद्धा आणि सबुरी, ‘आई कुठे काय करते’ या मालिकेचे १००० एपिसोड पूर्ण झाले आहेत. 7- 12-19 रोजी या मालिकेचे शूटिंग सुरू केलं. त्यावेळेला माझ्या मनामध्ये असंख्य प्रश्न होते, पण वाटत नक्की होतं की ही सिरीयल खूपच लोकांना भावेल, त्याचं मुख्य कारण म्हणजे या सिरीयलच्या नावामध्ये 'आई' या शब्दाचा उल्लेख आहे, आणि दुसरं कारण होतं राजनजी शाही. डायरेक्टर्स कट प्रोडक्शन चे सर्वेसर्वा राजनजी, हे आम्हाला प्रोड्युसर लाभले होते, नमिता वर्तक म्हणजेच कमलाकर नाडकर्णी यांची कन्या, जिने खरंतर मला या सिरीयल साठी माझी “अनिरुद्ध देशमुख” या पात्रासाठी निवड केली.

उत्कृष्ट इतर सगळे कलाकार, उत्कृष्ट दिग्दर्शनाची टीम, उत्कृष्ट सेटिंग, उत्कृष्ट लेखन, सगळंच या सिरीयल मधलं भारी होतं, स्टार प्रवाह चॅनल ने सुद्धा सिरीयलचे प्रमुख उत्कृष्ट केले होते, पहिल्या दिवसापासूनच लोकांच्या मनामध्ये ही सिरीयल बसली.'

पुढे ते लिहितात, 'खरंतर मी एक ऑड मॅन आऊट होतो, मी जे कॅरेक्टर करत होतो अनिरुद्ध देशमुख नावाचं, ते सुद्धा ऑड मॅन आऊट आहे. पहिल्यांदा ज्यावेळेला नमिताने माझी राजन शाही यांच्याशी ओळख करून दिली, त्यावेळेला माझ्याविषयी त्यांच्या डोळ्यांमध्ये मला फार काही आत्मविश्वास दिसला नाही, तसं ते मला काही बोलले नाहीत तरी, पहिल्या भेटीत मला ते जाणवलं होतं, पण त्यांचा नमितावर खूप कॉन्फिडन्स होता आणि तिच्यावर खूप विश्वास होता, आणि म्हणून खरंतर माझं कास्टिंग या इतक्या भारी रोल साठी झालं.

'श्रीमोई' नावाच्या बंगाली मालिकेचं हे सुरुवातीला रूपांतरण होतं, त्यामध्ये जो अनिरुद्ध देशमुख होता, तो अगदी भारदस्त व्यक्तीमहत्त्व होतं, त्याचे काही episodes मला राजनजींनी पाहायला सांगितले होते, ते भाग पाहिल्यानंतर मी जरा घाबरलोच होतो, अमरीश पुरी सारखी त्याची पर्सनॅलिटी होती.

टिमने मला सांभाळून घेतलं, एक हजार एपिसोड नंतर सुद्धा मला सांभाळून घेत आहेत, त्यांनी एक वेगळाच अनिरुद्ध देशमुख माझ्याकडून करून घेतला, या आई कुठे काय करते च्या टीमने. DKP राजन जी, स्टार प्रवाह पासून आमच्या अगदी स्पोर्ट बॉय पर्यंत सगळ्यांचा मी ऋणी आहे सगळ्यांचा मी आभारी आहे ! आज सेटवर छान हवन पूजा झाली, 1000 एपिसोड चा केक आज आम्ही कापला."

आता मिलिंद यांची ही पोस्ट सोशल मीडियावर व्हायरल झाली आहे. नेटकरी त्यांच्या पोस्टला कमेंट करत आहेत. त्यांचे आणि पुर्ण टिमचे कौतुक करत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur : शेतकऱ्यानं म्हशी घ्यायला ७ लाख साठवले, सहावीत शिकणाऱ्या लेकानं गेमवर ५ लाख उडवले; बँक स्टेटमेंट बघून बसला धक्का

Zodiac Prediction 7 to 13 July: या आठवड्यात कोणत्या राशींना होणार आर्थिक लाभ अन् नोकरी व्यवसायत मिळेल उत्तम संधी, वाचा साप्ताहिक राशिभविष्य

Latest Maharashtra News Updates : मुंबईत वाहतूक ठप्प! मोनो रेल सेवा बंद, मेट्रोमध्ये तांत्रिक बिघाडाने प्रवाशांचे हाल

Viral Video : सुनेची आईसोबत मिळून सासुला बेदम मारहाण; झिंज्या पकडल्या, उचलून आपटलं अन्... व्हिडिओ व्हायरल

CA Result Success Story: अभ्यासातील सातत्य, जिद्दीच्या बळावर साकारले स्वप्न; राजनवर कौतुकाचा वर्षाव; सीए परीक्षेत ६०० पैकी मिळविले ५१६ गुण

SCROLL FOR NEXT