मुंबई - इंडियन आयडॉलचा 12 वा सीझन (Indian Idol season 12) सध्याच्या वादाच्या भोव-यात सापडल्याचे दिसत आहे. काही दिवसांपूर्वी किशोर कुमार यांचे चिरंचीव (amiy kumar) अमित कुमार यांनीही या शो वर टीका केली होती. त्यानंतर इंडियन आयडॉल सीझन 1 चा विजेता अभिजीत सावंतनंही परखड प्रतिक्रिया देऊन इंडियन आयडॉलवर सडकून टीका केली होती. आता हा शो पुन्हा चर्चेत आला आहे याचे कारण म्हणजे यंदाच्या सीझनमधील लोकप्रिय स्पर्धक अंजली गायकवाड ही शो तू बाहेर पडली आहे. (story indian idol 12 shocking elimination anjali gaikwad out)

सोशल मीडियावर (social media) सध्या अंजली गायकवाडच्या (anjali gaikwad) नावाची मोठी चर्चा आहे. अंजली स्पर्धेबाहेर पडल्याचे कळताच तिच्या चाहत्यांनी नाराजी व्यक्त केली आहे. तिला इतर स्पर्धकांच्या तुलनेत कमी वोटिंग झाल्यानं तिला स्पर्धेबाहेर जावं लागलं आहे. मात्र त्यावरुन आता वेगळ्या वादाला सुरुवात झाली आहे. त्याला राजकीय वळणही लागलं आहे. कॉग्रेसच्या एका नेत्यानंही याप्रकरणावर प्रतिक्रिया दिल्यानं त्याची चर्चा सुरु झालीयं.

त्या शो मध्ये बॉलीवूडची प्रसिध्द अभिनेत्री जीनत अमान (jeenat aman) आल्या होत्या. त्यावेळी त्यांच्यावर आधारित गाण्यांचे सादरीकरण स्पर्धकांनी केले. जीनत यांनी देखील आपल्या बॉलीवूडच्या वेगवेगळ्या आठवणींना उजाळा दिला. हा एपिसोडही सध्या प्रेक्षकांच्या चर्चेचा विषय़ आहे. शो अधिक रंगतदार करण्यासाठी अनेक गोष्टी स्क्रिप्टेड केल्या जातात का, असा प्रश्न आता चाहते विचारत आहेत.

कॉग्रेसचे नेते अजय माकन यांनी इंडियन आयडॉलविषयी सोशल मीडियावर प्रतिक्रिया दिली आहे. त्यांनी लिहिलं आहे, सध्या त्यांच्यासाठी हा अवघड प्रसंग आहे. सोशल मीडियावर त्याची वेगळ्या प्रकारे चर्चा होत आहे. पुन्हा त्यातून बाहेर येण्यासाठी काही वेळ जाऊ द्यावा लागणार आहे.