Sun Marathi - सन मराठी वाहिनीवर आतापर्यंत अनेक वेगवेगळ्या धाटणीच्या मालिका प्रेक्षकांच्या भेटीला आल्या आहेत. त्यातच आता आणखीन एका नव्या मालिकेची भर पडणार आहे. आपल्या प्रत्येक नव्या मालिकेतून एका वेगळ्या विषयाला हात घालणारी ‘सन मराठी’ ही वाहिनी आता श्री देव वेतोबाची कथा प्रेक्षकांसमोर घेऊन येत असून ‘क्षेत्रपाल श्री देव वेतोबा’ ही नवी कोरी मालिका १७ जुलैपासून सोमवार ते शनिवार संध्याकाळी ७ वाजता प्रेक्षकांच्या भेटीस येत आहे.

कोकणातील परंपरा, प्रथा, रुढींशिवाय तेथील गूढ गोष्टींविषयी कायमच महाराष्ट्राला एक प्रकारचे आकर्षण वाटत आले आहे. त्यापैकीच एक वैशिष्ट्य म्हणजे ‘वेतोबा’. सिंधुदुर्गातील आरवली गावाचे ग्रामदैवत म्हणजे ‘श्री देव वेतोबा’. खरं तर वेतोबा म्हणजे भूतनाथ, पण कोकणात संकटसमयी भक्तांच्या हाकेला देवासारख्या धावून जाणाऱ्या वेतोबाला देवाचे स्थान आहे.