Kili Paul Video : बॉलीवूडचा प्रसिद्ध अभिनेता सनी देओल हा नेहमीच त्याच्या वेगवेगळ्या कारणांसाठी चर्चेत राहणारा अभिनेता आहे. सध्या तो त्याच्या गदर २ चित्रपटामुळे प्रसिद्धीच्या झोतात आला आहे. वीस वर्षांहून अधिक काळानंतर गदर २ प्रेक्षकांच्या भेटीला आला आहे. गदरची क्रेझ मोठी आहे.

सोशल मीडियावर यापूर्वी गदर २ मधील गाणी आणि त्याची टीझर व्हायरल झाला आहे, त्याला नेटकऱ्यांचा मोठा प्रतिसादही मिळाल्याचे दिसून आले आहे. अमिषा पटेल ही या चित्रपटातील प्रमुख अभिनेत्री असून तिनं देखील तिच्या सोशल मीडिया अकाउंटवरुन यासंबंधीचे व्हिडिओ आणि पोस्ट केले होते. अमिषाला त्यामुळे ट्रोल व्हावे लागले होते. अमिषानं गदर २ मधील क्लायमॅक्स सांगून टाकला असेही नेटकऱ्यांनी म्हटले होते.

Also Read - Indian Politics :पक्षाचे 'आयकॉन' पळवून भारतात निवडणूक जिंकता येईल का?

यासगळ्यात सोशल मीडियावर किली पॉल हा चर्चेत आला आहे. किली पॉल माहिती नाही असा नेटकरी सापडणे विरळाच. भारतीय चित्रपट, संगीत, फॅशन याविषयी नेहमीच अपडेट असणाऱ्या किलीनं यापूर्वी बॉलीवूडच्या कित्येक गाण्यांवर डान्स केला आहे. त्यामुळे तो प्रसिद्धीच्या झोतातही आला आहे. आता किली हा सनीच्या गाण्यावर थिरकताना दिसला आहे.

किलीनं गदर मधील मैं निकला गड्डी लेके या गाण्यावर डान्स केला आहे. तो व्हिडिओ सोशल मीडियावर व्हायरल झाला असून त्यावर नेटकऱ्यांनी दिलेल्या कमेंटस भलत्याच भन्नाट असल्याचे दिसून आले आहे. टांझानियामध्ये राहणाऱ्या किली पॉलचा चाहतावर्ग जगभर पसरला आहे. त्याला फॉलो करणाऱ्यांची संख्याही मोठी आहे. यापूर्वी देखील किलीनं हिंदी चित्रपटातील गाण्यावर प्रभावी डान्स केला आहे.

फिल्म इंडस्ट्रीतील ९० च्या दशकांतील गाण्यांवर किलीनं केलेला डान्स हा नेहमीच नेटकऱ्यांचे लक्ष वेधून घेताना दिसतो. किलीसोबत त्याची बहिण नीमा पॉल देखील आहे. किलीनं तो व्हिडिओ सनी देओलला देखील टॅग केला आहे. कॅप्शन लिहिताना म्हटलं आहे की, ९० च्या दशकांतील सर्वाधिक प्रभावी हिरो असणाऱ्या सनी देओल यांनी माझे बालपण खूपच समृद्ध केले होते.