मुंबई : दिग्दर्शक रोहित शेट्टी (rohit shetty) आणि त्याच्या टीममध्ये आता आनंदाचे वारे वाहू लागलेले आहेत. त्याच्या सूर्यवंशी या चित्रपटाने (suryavanshi movie) वर्ल्ड वाईल्ड शंभर कोटी रुपयांचा व्यवसाय (hundred crore income) केला आहे. कोरोनाच्या दुसऱ्या लॉकडाऊननंतर (corona lockdown) या चित्रपटाने असे घवघवीत यश मिळविल्यामुळे बाॅलीवूडमध्ये (Bollywood celebration) आनंद व्यक्त केला जात आहे.

सूर्यवंशी हा चित्रपट भारतात कोरोनाची लाड येण्यापूर्वीच तयार होता. त्याच्या प्रदर्शनाची तारीखदेखील ठरलेली होती. परंतु कोरोना महामारी आली आणि सगळेच ठप्प झाले. काही निर्मात्या व दिग्दर्शकांनी आपापले चित्रपट ओटीटी प्लॅटफाॅर्मवर प्रदर्शित केले. परंतु सूर्यवंशी हा चित्रपट रोहित शेट्टीने ओटीटीवर प्रदर्शित केला नाही. खरे तर या चित्रपटासाठी भरभक्कम रक्कम मिळत होती. परंतु हा चित्रपट प्रेक्षकांनी चित्रपटगहातच पाहणे योग्य होते आणि त्या आपल्या अटीवर रोहित शेट्टी ठाम राहिला. महाराष्ट्र सरकारने पन्नास टक्के उपस्थितीत परवानगी देताच त्याने हा चित्रपट दिवाळीच्या धामधुमीत प्रदर्शित केला.

पहिल्याच दिवशी या चित्रपटाने 34.39 कोटी रुपयांची कमाई केली. दुसऱ्या दिवशी 32.43 कोटी तर तिसऱ्या दिवशी 34.84 कोटी रुपयांची कमाई केली आहे ही कमाई वर्ल्ड वाईल्ड आहे. तीन दिवसांमध्ये तब्बल 101. 66 कोटी रुपयांचा व्यवसाय या चित्रपटाने केला. महाराष्ट्रात पन्नास टक्के प्रेक्षकांची उपस्थिती असतानाही हा चित्रपट बहुतेक ठिकाणी हाऊसफुल होता. खरं तर चित्रपटगृहात प्रेक्षक येतील की नाही अशी भीती निर्मात्यांना होती. परंतु पुन्हा चित्रपटगृहात प्रेक्षकांना आणण्याची किमया या चित्रपटाने केली आहे. त्यामुळे हिंदी चित्रपटसृष्टीत आनंदीआनंद पसरला आहे.