Veer Savarkar Movie News: आज महात्मा गांधींची पुण्यतिथी. यानिमित्ताने बॉलिवूडमधील एका महत्वाच्या सिनेमाची रिलीज डेट जाहीर करण्यात आली. हा सिनेमा म्हणजे 'वीर सावरकर'.

'वीर सावरकर' सिनेमाचा आज नवीन प्रोमो रिलीज झाला. या प्रोमोत सिनेमाच्या रिलीज डेटची घोषणा झालीय. रणदीप हूडाचा 'वीर सावरकर' सिनेमा खास दिवशी रिलीज होणार आहे.

या तारखेला रिलीज होणार वीर सावरकर

'वीर सावरकर' सिनेमाचा आज नवीन प्रोमो शेअर करण्यात आलाय. मला गांधी नाही तर त्यांच्या अहिंसेबद्दल आक्षेप आहे, असा संवाद या प्रोमोत दिसतो. आज 'शहिद दिवसा'निमित्त 'वीर सावरकर' सिनेमाचा नवीन प्रोमो शेअर करण्यात आलाय.

'वीर सावरकर' सिनेमा २२ मार्च २०२४ ला रिलीज होणार आहे. या सिनेमाची उत्सुकता शिगेला आहे.

वीर सावरकर टीझर

काही महिन्यांपुर्वी रणदीप हुडा अभिनीत 'वीर सावरकर' यांच्या 140 व्या जयंतीनिमित्त 'स्वातंत्र्यवीर सावरकर' या चित्रपटाचा टीझर रिलीज केला आहे. या माध्यामातुन रणदीप दिग्दर्शनातही पदार्पण करत आहे. तो चित्रपटात स्वातंत्र्यसैनिकाच्या भूमिकेत आहे.

टिझर शेयर करण्यासोबतच त्यांने लिहिले, "भारतातील सर्वात प्रभावशाली क्रांतिकारक, ज्यांना ब्रिटीश सत्ता घाबरत होती. त्याचा इतिहास कोणी मारला ते जाणून घ्या." या चित्रपटात रणदीप हुडा वीर सावरकरांच्या भूमिकेत दिसणार आहे. तर सिनेमात अंकीता लोखंडेही प्रमुख भूमिकेत असणार आहे.