बॉलीवूड अभिनेत्री तापसी पन्नू ही तिच्या दमदार अभिनयासाठी लोकप्रिय आहेत. तिने अनेक चित्रपटांमध्ये तिच्या अभिनयाने मनोरंजन विश्वात वेगळी ओळख निर्माण केली आहे. मात्र तापसी तिच्या तापट स्वभावासाठीही ओळखली जाते. पापाराझी आणि तापसी यांच्यातील वाद हा कुणापासून लपलेला नाही. पापाराझी आणि तापसी यांच्यात नेहमीच खटके उडत असतात.
तापसी अनेक वेळा पापाराझींना शिष्टाचार शिकवताना दिसते. असचं काही तरी यावेळीही झालं. पुन्हा एकदा पापाराझी आणि तापसीचा एक व्हिडिओ सोशल मीडीयावर व्हायरल झाला आहे. ज्यामध्ये तापसी पुन्हा पापाराझींना टोमणे मारताना दिसत आहे.
तापसी मुंबईत स्पॉट झाली. यादरम्यान अनेक पापाराझी आणि मीडियाच्या लोकांनी तिला घेरलं आणि त्यांनी तापसीला फोटोसाठी विनंती केल. मात्र तापसी थांबली नाही आणि आपल्या कारकडे वळू लागली. ती तिच्या कारकडे जात असताना पापाराझींना 'बाजूला सरका नाहीतर परत म्हणाल आम्हाला धक्का दिला.' त्यानंतर तापसी वारंवार म्हणाली, 'बाजूला सरका.'
तापसीने असं करणे ही पहिले वेळ नाही ती यापुर्वीही अनेक कार्यक्रमांमध्ये आणि अनेक प्रसंगी पत्रकार आणि पापाराझींवर भडकली आहे. तिचे बरेच व्हिडिओ सोशल मीडियावर वेगाने व्हायरल होत असतात. तिच्या वागण्यामुळे तिला अनेकदा ट्रोल केलं जातं. आताही तापसीचा व्हिडिओ सोशल मीडियावर वेगानं व्हायरल होत आहे.
तापसी पन्नूच्या वर्कफ्रंटबद्दल बोलायचं झालं तर ती , शाहरुख खानच्या 'डंकी' चित्रपटात दिसणार आहे. त्याचबरोबर तापसी पन्नू तामिळ चित्रपट 'एलियन'च्या मध्ये दिसले. यासोबतच ती 'वो लड़की हैं कहां' आणि 'फिर आयी हसीन दिलरुबा', 'जन गण मन' या चित्रपटातही काम करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.