Taarak Mehta Ka ooltah Chashmah jennifer mistry tv actress  Instagram
मनोरंजन

Taarak Mehta:'हे लोक पैसे देत नाहीतच शिवाय..', लैंगिक शोषणाच्या आरोपा दरम्यान जेनिफरचा निर्मात्यांवर पुन्हा हल्लाबोल

काही दिवसांपूर्वीच 'तारक मेहता का उल्टा चष्मा' मालिकेतील रोशन सोढी ही व्यक्तिरेखा साकारणाऱ्या जेनिफरनं निर्मात्यांवर लैंगिक शोषणाचा आरोप केला होता.

प्रणाली मोरे

Taarak Mehta Ka Ooltach Chashmah मालिकेत रोशन भाभी ही व्यक्तिरेखा सादर करणारी अभिनेत्री जेनिफर मिस्त्री बंसीवालानं काही दिवसांपूर्वीच निर्माते असित मोदी यांच्यावर लैंगिक शोषणाचा गंभीर आरोप केला होता. अभिनेत्रीनं तब्बल १५ वर्षानंतर मालिकेचा निरोप घेतलाय. ती या मालिकेशी सुरुवातीपासूनच जोडलेली होती आणि तिनं आता असित मोदीवर खूप गंभीर आरोप केले आहेत.

जेनिफरनं फक्त असित मोदी यांच्यावरच नाही तर मालिकेचे ऑपरेशन हेड सोहेल रमानी आणि कार्यकारी निर्माते जतिन बजाज यांना देखील वादात ओढलं आहे. अभिनेत्रीच्या म्हणण्यानुसार या तिघांमुळे अर्ध्याहून अधिक मालिकेतील कलाकार त्रासले आहेत. (Taarak Mehta Ka ooltah Chashmah jennifer mistry tv actress new claims..producer tortured everybody on set )

तारक मेहता मालिकेचे ऑपरेशन हेड सोहेल रमानीविषयी बातचीत करताना जेनिफर म्हणाली की,'' पेमेंटला पाच दिवस उशीर झाल्यानंतर जेव्हा तिनं सोहेलला कॉल केला आणि पेमेंटविषयी विचारलं तेव्हा सांगितलं गेलं की,तुम्ही कॉल केलाय तर पेमेंट २ ते ३ तासात होईल''.

जेव्हा जेनिफरनं विचारलं की, तिचं पेमेंट का थांबवलं होतं तेव्हा उत्तर मिळालं की निर्मात्यांशी या भाषेत बोलायचं नाही. निर्माता नेहमी मोठा असतो आणि कलाकार कायम छोटा असतो.

याव्यतिरिक्त जेनिफर मिस्त्रीनं सांगितलं की 'तारक मेहता का उल्टा चष्मा' च्या सेटवर कलाकारांना मानसिकदृष्ट्या खूप त्रास दिला जातो. तिनं सांगितलं की तिला पासपोर्ट संबंधित कामानिमित्तानं बाहेर जायचं होतं. तिनं यासाठी ३ तासाची कामातून सवलत मागितली होती. पण विनंती करुनही कोणी नीट आपल्याशी बोललं नाही आणि वरनं तिचं अर्ध्या दिवसाचं मानधन कापलं.

मालिकेचे कार्यकारी निर्माते जतिन बजाज विषयी देखील जेनिफर बोलली की ते कधीच नीट बोलत नाहीत. जेनिफरच्या मते मालिकेतील इतर कलाकारांशी देखील ते तसेच वागतात.

तारक मेहता मालिकेविषयी बोलायचं झालं तर गेल्या काही महिन्यांमध्ये या मालिकेतील अनेक कलाकारांनी मालिका सोडली आहे. अभिनेते आणि कवी शैलेश लोढा मालिकेत गेली १५ वर्ष काम करत होते पण त्यांनीही मानधनासंबंधित निर्मात्यांशी वाद झाल्यामुळे शो सोडला होता. याव्यतिरिक्त रोशन सिंग सोढी सोबतच अंजली मेहता ही भूमिका साकारणाऱ्या नेहा मेहतानं देखील निर्मात्यांशी वाद झाला म्हणून मालिकेतून बाहेर पडण्याचा निर्णय घेतला होता.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Kannad News: धुळे-सोलापूर महामार्गावर शेतकऱ्यांचा ठिय्या; बारामती अॅग्रोने मान्य केली ३,३११ रुपयांची पहिली उचल

Polio Drops : पुणे महापालिकेच्या विशेष पल्स पोलिओ मोहिमेत २ लाख ८५ हजार ३६९ बालकांना डोस; वंचित बालकांसाठी सोमवारपासून घरोघरी आरोग्य पथके

Nitin Nabin : काही लोक परदेशात जाऊन देशाची बदनामी करतात, राहुल गांधींवर नितीन नवीन यांची जोरदार टीका

Marathi News Live Updates : ऊसतोड मजूर महिलांची वेदनादायी अवस्था! चार दिवसांची सुट्टी परवडत नाही म्हणून गर्भाशय काढण्याची वेळ?

IND A vs PAK A: भारत पाकिस्तान सामन्यात वैभव सूर्यवंशी स्वस्तात बाद! भारताची सुरुवातच खराब,नेमकी कशी पडली वैभवची विकेट?

SCROLL FOR NEXT